“Inter Mayami” hujumchisi Lionel Messi 2021-yilda “Oltin to‘p” bilan bog‘liq vaziyat sababli “Barselona” forvardi Robert Levandovski bilan yuzaga kelgan mojaro haqida fikr bildirdi.
Unga ko‘ra, argentinalik hujumchi polshalik futbolchining gaplaridan qattiq ranjigan:
Levandovskining o‘sha yili aytgan gaplari meni juda ham ranjitdi. Chunki men mukofotni olganimda chin dildan his qilgan so‘zlarimni aytgandim. U esa bu gaplarni samimiy qabul qilmaganini bildirdi va shu bois o‘rtamizda sovuqlik paydo bo‘ldi.
Men o‘yinda ataylab unga e’tibor bermasdim, chunki u bunday gaplarni aytmasligi kerak, deb o‘ylagandim, — deya Messining so‘zlarini keltiradi Give Me Sport.
Eslatib o‘tamiz, 2021-yilgi “Oltin to‘p” marosimida Messi mukofotni olganidan so‘ng, Robert Levandovski ham bu sovringa munosib ekanligini aytgan edi. Biroq keyinchalik polshalik futbolchi Messining bu so‘zlarini “shunchaki qog‘ozdagi gaplar” deb baholagandi.
Izoh (0)