Klublar o‘rtasidagi Jahon chempionati 1/8 final bosqichi doirasida “PSJ” va “Inter Mayami” jamoalari o‘rtasida bo‘lib o‘tgan bahs yakuniga yetdi. Gollarga boy va qiziqarli tarzda kechgan uchrashuvda Parij klubi 4:0 hisobida zafar quchib, chorak finalga yo‘l oldi. AQSH vakili esa musobaqani tark etdi.
Uchrashuvdagi hisob allaqachon 6-daqiqada Joau Nevesh tomonidan ochildi. 39-daqiqada u dubl qayd etib, jamoasi ustunligini mustahkamladi. 44-daqiqada "Inter Mayami" futbolchisi Tomas Aviles avtogol muallifiga aylandi. Bo‘lim yakuniga yaqin, 45+3-daqiqada Ashraf Hakimi raqib darvozasiga yana bir to‘p kiritib, hisobni 4:0 ko‘rinishiga keltirdi.
Ikkinchi bo‘lim ham jonli va hujumlarga boy tarzda o‘tdi. Har ikki jamoa xavfli hujumlar uyushtirdi, biroq hisob o‘zgarmadi.
Shu tariqa, “PSJ” yirik hisobdagi g‘alaba bilan chorak final yo‘llanmasini qo‘lga kiritdi. “Inter Mayami” esa chempionat bilan xayrlashdi.
Klublar o‘rtasidagi Jahon chempionati
1/8 final
29-iyun, yakshanba
“PSJ” — “Inter Mayami” 4:0
Gollar: 1:0 — Nevesh (6), 2:0 — Nevesh (39), 3:0 — Aviles (44), 4:0 — Hakimi (45+3)
Izoh (0)