Kataloniyaning “Barselona” klubi “Manchester Yunayted” hujumchisi Markus Reshfordni ijaraga olish bo‘yicha rasmiy taklif tayyorlamoqda. Bu haqda The Times nashriga tayanib Championat xabar bermoqda.
OAVda “ko‘k-anorranglilar” Niko Uilyams transferini amalga oshira olmasa, Reshfordni qo‘lga kiritish uchun harakat qilishi haqida xabarlar tarqalgan edi. Ammo The Times’ga ko‘ra, bu ikki futbolchining transferi bilan bog‘liq muzokaralar alohida olib borilmoqda.
Manbaning qayd etishicha, bu ikki bitim bir-biriga bog‘liq emas va ular birini amalga oshirish boshqasiga to‘sqinlik qilmaydi. “Barselona” bosh murabbiyi Hansi-Diter Flik Reshfordni markaziy hujumchi sifatida, polshalik Robert Levandovski uchun munosib o‘rinbosar sifatida ko‘rilmoqda.
Avvalroq “Barselona” Ispaniya terma jamoasi a’zosi Niko Uilyamsni xarid qilishga yaqin turgani haqida xabarlar tarqalgan edi.
Ma’lumot uchun, Reshford 2024/25-yilgi mavsumning ikkinchi qismini ijara asosida “Aston Villa” safida o‘tkazib, yozda “Manchester Yunayted”ga qaytdi. Mankunianliklar futbolchini sotib yuborishga qarshi emasligini bildirgan.
Izoh (0)