“Aston Villa” safida ijarada to‘p surayotgan “Manchester Yunayted” hujumchisi Markus Reshford faoliyatini Ispaniyada davom ettirishi mumkin. El Nacional nashrining xabar berishicha, “Barselona” klubi futbolchini o‘z safiga qo‘shib olish imkoniyatini ko‘rib chiqmoqda.
Manbaga ko‘ra, kataloniyaliklar a’zosi Lamin Yamal Reshford bilan bir jamoada to‘p surishni istayotganini bildirgan. Bu holat “Barselona” rahbariyatining transferni amalga oshirish xohishini ortishiga sabab bo‘lgan.
Shuningdek, Markus yaqinda agent Pini Zahavi bilan hamkorlikni boshlagan. U “Barselona” ustozi Hansi-Diter Flik va hujumchi Robert Levandovski bilan ham ishlaydi.
Ayni damda transfer yuzasidan rasmiy muzokaralar boshlanmagan, biroq futbolchining “Barselona”ga ehtimoliy o‘tishi yozda amalga oshishi mumkinligi aytilmoqda.
Ma’lumot uchun, Markus Reshford joriy mavsum Angliya Premyer Ligasi doirasidagi 25 uchrashuvda maydonga tushib, o‘z hisobiga 6 ta gol va 3 ta golli uzatma yozdirib qo‘ygan. Uning “Manchester Yunayted” bilan shartnomasi 2028-yilgacha amal qiladi. Transfermarkt portali futbolchining qiymatini 50 million yevro deb baholagan.
Izoh (0)