Turkiyalik mashhur aktyor Burak O‘zchivit o‘zining Instagram sahifasida yangi suratini e’lon qildi. 40 yoshli aktyor imijini yangilab, soqolini olgan.
Muxlislar darhol aktyorning yangilangan ko‘rinishini ijobiy baholab, u soqolsiz ancha yoshroq ko‘rinayotganini ta’kidlashdi. Ko‘pchilik bu obraz unga yanada ko‘proq yarashishini yozmoqda:
“Voy, Burak 27 yoshga to‘lgan yigitga o‘xshaydi!”,
“Ishonish qiyin, bir zumda shunchalik yosharib ketish mumkinmi?”,
“Kamol davri qaytdi”, kabi izohlar ijtimoiy tarmoqlarda ko‘paydi.
Ayniqsa, “Sevgi iztirobi” serialidagi Kamol obrazi bilan mashhur bo‘lgan aktyorning muxlislari uni aynan shu ko‘rinishda bo‘lishini sog‘inganini yashirmadi. Ularning fikricha, O‘zchivit soqolsiz holatda aynan o‘sha davrdagi obrazini eslatadi.
“Choliqushi”, “Muhtasham yuz yil”, “Sevgi iztirobi” seriallarining yulduzi Burak O‘zchivit aktyorlik faoliyatini 2006-yilda boshlagan. U 2017-yilda hamkasbi va aktrisa Fahriye Evjen bilan turmush qurgan. Ularning ikki nafar o‘g‘li bor.
So‘nggi yillarda O‘zchivit “Hukmdor Usmon” nomli tarixiy serialida bosh rolni ijro etib kelmoqda. Burak dunyo bo‘ylab turli tadbirlarda, jumladan, Toshkentga tashrif buyurganida ham, e’zozli mehmon sifatida kutib olingan. Shuningdek, u Rossiyaning Yangi yil haqidagi “Archa 11” filmida ham ishtirok etgan.
Izoh (0)