Turk seriallari tobora jahon miqyosida mashhurlik kasb etib bormoqda. Tomoshabinlar nafaqat serial syujetiga, balki undagi sevimli qahramonlarining shaxsiy hayotiga ham katta qiziqish bildirmoqda. Ayrim turk aktyorlari farzandlari haqidagi ma’lumotlarni sir tutsa, boshqalari ijtimoiy tarmoqlar orqali ular haqida so‘zlab berishdan zavqlanadi.
Maryam Uzerli
“Muhtasham yuz yil” premyerasidan keyin Maryam Uzerlining shaxsiy hayoti muxlislarda qiziqish uyg‘otdi. Uni ko‘pincha turk ayoliga xos bo‘lmagan xatti-harakatlari va nikohsiz farzandli bo‘lgani uchun qoralashardi. Germaniyada tug‘ilib-o‘sgan aktrisa hech qachon o‘zini turk millatiga mansub deb hisoblamagan. Nikohsiz munosabatlarning natijasida aktrisa ikki nafar go‘zal qizni dunyoga keltirdi. Lara 2014-yilda biznesmen Jan Ateshdan tug‘ilgan.
Lili Koi 2021-yilda amerikalik tadbirkordan tug‘ilgan, uning ismini aktrisa sir saqlaydi.
Murat Yildirim
“Ramo” seriali yulduzi Murat Yildirim o‘z baxtini ikkinchi urinishda topdi. Bu ham nikohga, ham farzandga tegishli. Uning aktrisa Burchin Terziog‘lu bilan birinchi nikohi olti yil davom etdi, bu davrda juftlik orasida sevgidan ko‘ra mojarolar ko‘proq bo‘ldi. Muratning ikkinchi tanlovi model Iman Albani (Iman Elbani), “Marokash go‘zali” go‘zallik tanlovi g‘olibi bo‘ldi. Turkiya prezidenti Rajab Toyyib Erdo‘g‘onning shaxsan o‘zi aktyor uchun Imanning uyiga sovchi bo‘lib bordi.
Imanning birinchi homiladorligi abort bilan yakunlandi, bu juftlik uchun og‘ir kechdi. Oshiqlar bu yo‘qotishni yengish va ota-ona bo‘lishni niyat qilib Makkaga borishdi. Shundan so‘ng ularning oilasida, 2022-yilda Miray ismli qizaloq tug‘ildi. Birinchi yil ular chaqaloqning yuzini yashirishdi, ammo hozirda mashhurlarning ijtimoiy tarmoqlarida jingalak sochli qiz bilan suratlarni topishingiz mumkin. Ota farzandiga bo‘lgan ulkan muhabbati va aql bovar qilmas mehrini yashirmaydi, bu esa muxlislarni chin dildan hayratga soladi.
Burak O‘zchivit
Burak O‘zchivit va Faxriye Evjen “Choliqushi” serialining suratga olish paytida tanishishdi. Bir necha yildan so‘ng ular “Sevgi senga o‘xshaydi” dramasining suratga olish maydonchasida yana uchrashishdi va bir-birini sevishini anglab yetdi. Juftlik 2017-yilda turmush qurdi.
Hozirda, Turkiyaning eng go‘zal juftliklaridan birining oilasida ikki o‘g‘il voyaga yetmoqda. Karan 2019-yilda, Kerem esa 2023-yilda tug‘ilgan. Ideal er va ota deya ta’riflanadigan aktyor barcha bo‘sh vaqtini oilasi bilan o‘tkazadi. Ko‘rinishidan u chindan ham xotini va bolalari kabi baxtli ko‘rinadi. Muxlislar bolalar kimga ko‘proq o‘xshashi haqida bahslashishadi va ko‘pincha ular Fahriyening genlari kuchliroq degan xulosaga kelishadi.
Eda Eje
“Qora niyat” seriali yulduzi Eda Eje 2019-yilda basketbolchi Bugrahan Tunjer bilan uchrasha boshladi. 2023-yilda yulduzlar hashamatli va chiroyli to‘y qilishdi. Eda o‘zining shaxsiy hayoti haqida gapirishni yoqtirmaydi.
2024-yilda juftlikning Mina Ipek ismli qizi tug‘ildi. G‘amxo‘r ona vaqti-vaqti bilan ijtimoiy tarmoqlarga chaqaloqning suratlarini joylashtiradi, ammo yuzini emojilar bilan yashiradi. Eda onalik haqida dunyodagi eng muhim va masʼuliyatli ish sifatida gapiradi, uning mohiyatini faqat o‘zingiz ona bo‘lganda tushunasiz deydi u.
Kivanch Tatlitug‘
Aktyor Kivanch Tatlitug‘ grimyor va stilist Bashak Dizer bilan 2013-yildan boshlab uchrasha boshladi. Juftlik 2016-yilda o‘z munosabatlarini rasmiylashtirdi. Kamtarona marosimda faqat yosh juftlikning qarindoshlari va yaqinlari ishtirok etdi. 2022-yilda ular Kurt Efe ismli o‘g‘il farzandli bo‘lishdi.
Ota-ona bo‘sh vaqtlarini farzandi bilan o‘tkazishadi hamda ko‘p sayohat qilishadi. Ijtimoiy tarmoqlarda ularning ko‘plab umumiy fotosuratlari mavjud, ammo bu suratlarda Kurtning yuzini kamdan-kam ko‘rish mumkin chunki juftlik bolani yon tomondan yoki orqadan suratga olishni afzal ko‘rishadi.
Nur Fettahog‘lu
-5b4c9IqV.avif)
“Muhtasham yuz yil” yulduzi Nur Fettahog‘lu ikki marta turmushga chiqqan va ikki marta ajrashgan. Tadbirkor Levent Vezirog‘lu bilan ikkinchi nikohidan 2016-yilda Elis Gyuzin ismli qizi tug‘ilgan. Ammo nikoh sinovlarga dosh berolmay, darz ketdi. Shunga qaramay qizning otasi bilan aktrisa yaxshi munosabatda bo‘lib qolgan, ota qizi bilan tez-tez muloqot qiladi.
-TFOawG25.avif)
Onasi barcha bo‘sh vaqtini kichkintoy bilan o‘tkazadi, birgalikda dunyo bo‘ylab sayohat qiladi, muzeylarga boradi — xullas, Nur Fettaxog‘li onalikka sho‘ng‘ib ketgan va bundan zavq oladi. Qizini “mening ikkinchi yarmim”, deb erkalaydi.
Izoh (0)