“Qo‘rg‘on sirlari”dan so‘ng: serial yulduzlari qachon yangi loyihalar bilan ekranlarga qaytadi?

2025-yil 4-aprel kuni “Qo‘rg‘on sirlari” serialining final qismi efirga uzatildi. Bu esa serial muxlislari uchun kutilmagan yakun bo‘ldi. Chunki ko‘pchilik uchinchi mavsum yoz boshigacha davom etadi, deb umid qilayotgan edi. Serial yakunlangach, aktyor va aktrisalar to‘liq dam olishga qaror qilishdi. Yulduzlarni 2025-yil kuz faslida yana ekranlarda ko‘rishimiz mumkinmi?

Ba’zi ijodkorlar allaqachon yangi loyihalar uchun shartnoma imzolagan, ayrimlari esa “Qo‘rg‘on sirlari” seriali bilan birga boshqa loyihalarda ham suratga tushishga ulgurgan. Ular tez orada yangi obrazda yana tomoshabinlar qarshisida paydo bo‘ladi. Boshqalar esa, chamasi, uch yilga yaqin davom etgan intensiv suratga olish jarayonidan so‘ng, biroz tanaffus qilishga qaror qilgan.

Arfa Saracho‘g‘lu

Serialda inson o‘zini topishga harakat qiladi, shaxsiylik yo‘qoladi, sun’iy dunyo va erkinlik muammolari ko‘tariladi.Go‘zalligi bilan tomoshabinlarning ko‘nglini zabt etgan, maftunkor Seyran Shanlini gavdalantirgan Afra Saracho‘g‘lu vaqtini behuda o‘tkazgani yo‘q.

U biroz dam oldi, ammo tez orada yangi loyihaga qo‘l urdi. Afra yana OGM Pictures bilan ishlashda davom etadi. U bosh rolni aynan shu kompaniya ishlab chiqaradigan yangi serialda ijro etadi. Aftidan, u OGM’ning sevimli yulduziga aylangandek.

Ma’lumotlarga ko‘ra, Afra Saracho‘g‘lu yaqin orada “Disney Plus” platformasi uchun maxsus suratga olinadigan “Pera” nomli yangi serialda suratga tusha boshlaydi. Bu esa uni xalqaro darajadagi yulduzga aylantirish yo‘lida yana bir muhim qadam sanaladi. 

Turkiyalik mashhur jurnalist Birsen Altuntashning yozishicha, loyiha Jim Kerri ishtirok etgan “Truman shousi” filmidan ilhomlangan. Bu esa uni odatdagi sevgi dramalaridan farq qiluvchi, jiddiy falsafiy mazmunga ega serial bo‘lishini anglatadi. Serial markazida inson o‘zligini topishi, shaxsiyatning yo‘qolishi, sun’iy dunyo muhiti va inson erkinligining cheklanishi kabi dolzarb muammolar turadi. Bunday yondashuv esa serialdan katta umid qilishga asos bo‘ladi.

Afra Saracho‘g‘lu “Go Tukiya” turizm platformasi uchun reklama roligida suratga tushdi. Unda u aktyor Engin Akyurek bilan birga ishtirok etdi. Ushbu reklama mamlakat turizmini targ‘ib qilishda faol foydalaniladi.

Bundan tashqari, “Qo‘rg‘on sirlari” seriali tugagandan keyin Afraning hayoti haqidagi gaplar jurnal muqovalari bilan to‘lib ketdi.

“Pera” seriali esa taxminan 2025-yilning ikkinchi yarmida, ehtimol dekabr oyiga yaqin ekranlarga chiqadi. Hozircha Afra bilan birga kim suratga tushishi aniq emas, ammo OGM Pictures kompaniyasi uning jiddiy yondashuv bilan tanlaydi va loyihani yangi xitga aylantiradi, degan umid bor.

Ma’lumotlarga ko‘ra, Afra “Cheksiz sevgi” serialining uchinchi mavsumiga qo‘shilishi mumkin, lekin bu haqda aniq tasdiq yo‘q. Buning sababi Afraning ijtimoiy tarmoqlarda aktyor Deniz Jan Aktashni kuzatishi edi. Ammo, aktyorlar bir-birining yangiliklarini doim kuzatib boradi, shuning uchun bu hech narsa anglatmasligi mumkin.

Intervyularning birida Afra bir nechta yangi loyihalarni ko‘rib chiqayotganini aytdi. Balki u muxlislarini “Cheksiz sevgi”da paydo bo‘lishi bilan hayratda qoldiradi.

Mert Ramazan Demir

Ferit Korhan rolini ijro etgan Demir muxlislarini yaqin kelajakda qaysi serial yoki filmlarda suratga tushishi haqida aniq yangiliklar bilan xursand qilmadi. Biroq, turk blogeri Deniz Turalning aytishicha, “Qo‘rg‘on sirlari” serialining muvaffaqiyatidan keyin yigitga yangi mavsum uchun o‘ndan ortiq taklif tushgan.

“Qo‘rg‘on sirlari” ustida ishlayotgan vaqtida Mert Netflix va OGM kompaniyalari hamkorligida suratga olingan “Tark etilgan odam” loyihasida ham rol o‘ynadi. Ushbu dramani 2025-yil oxirigacha ekranlarda ko‘rish imkoniyati katta.

Ijtimoiy tarmoqlarda Mert va Afra uchun bir xil prodyuserlik kompaniyasi qiziqish bildirayotgani haqida ma’umotlar tarqaldi. Bu esa muxlislar orasida “Qo‘rg‘on sirlari” yulduzlari yana bir loyihada birga ishtirok etishiga umid uyg‘otdi. Ammo, bunday voqealar ko‘pincha hech narsani anglatmasligini unutmaslik kerak.

Umid qilamizki, yaqin kunlarda turk jurnalistlari yoki aktyorning o‘zi muxlislarga “Qo‘rg‘on sirlari” yulduzi ishtirokidagi yangi loyiha 2025-yil kuzida namoyish qilinadimi, degan savolga javob beradi.

Beril Pozam va Ersin Ariji

“Qo‘rg‘on sirlari” serialining final qismidan so‘ng, ijtimoiy tarmoqlarda aktrisaning homiladorligi haqida gaplar tarqaldi. Ammo, bu ma’lumot tasdiqlanmadi.

Serial yakunlangach, yosh oila bo‘sh vaqtining katta qismini dam olishga bag‘ishladi. Ersin Ispaniyadan o‘zining rafiqasi bilan birga safardan tushgan suratlarini joylashtirdi. Beril ham vaqti-vaqti bilan ijtimoiy tarmoqlarda postlar qilmoqda. Hozircha aktrisa va turmush o‘rtog‘ining hech qanday e’lon qilingan yangi loyihasi yo‘q. Balki ular uzoqroq tanaffus qilishni ma’qul ko‘rishgan bo‘lsa kerak. Ehtimol, homiladorligi rostdir, shu bois hozircha yangi loyihalardan yiroq yurmoqda.

Taro Emir Tekin

Hozircha aktyor 2025-yil kuz faslida namoyish etiladigan yirik seriallarda ishtirok etadimi-yo‘qmi, bu borada aniq ma’lumot yo‘q. Ammo, u rol o‘ynagan “Old Money” nomli serial shu yil oxirigacha efirga chiqishi kutilmoqda.

To‘g‘ri, bu safar unga bosh rol emas, ikkinchi darajali obraz nasib etdi. Biroq Taroning o‘ziga xos xarizmasi uni yana serialdagi eng ko‘p muhokama qilinadigan qahramonlardan biriga aylantirishi mumkin.

Ayni paytda esa u shaxsiy hayotiga vaqt ajratmoqda. Taro model Sandra Formanek bilan munosabat qurmoqda. 

Diren Polato‘g‘ullari

Ota rolini ijro etgan aktyor ham vaqtini bekorga sarflamadi,  tezda “Xaos anatomiyasi” serialining aktyorlar tarkibiga qo‘shildi. Internetdagi ma’lumotlarga ko‘ra, aktyor Reza ismli qahramon rolini o‘ynaydi. U Istanbuldagi noqonuniy qimor va ko‘ngilochar biznesni boshqaradigan shaxs bo‘ladi.

Loyiha jinoyat mavzusiga yaqin bo‘lib, tomoshabinlarning qalbini zabt etishga va’da qilmoqda. Asosiy rollarni Aytach Shashmaz va Serra Ariturk ijro etadi. 

Sezin Bozaji

Seyran va Sunining onasi uzoq muddatli tanaffusdan so‘ng faoliyatini to‘xtatmaslikka qaror qildi. U Rejissor Deniz Chelebi Dikilitash loyihasidan rol olish taklifini qabul qildi. Serialni Most Yapim prodyuserlik kompaniyasi ishlab chiqmoqda.

Aktrisa juda ko‘p sinov va qiyinchiliklarga duch kelgan ayol rolini ijro etadi. Dastlab, ssenariy mualliflari qahramonining ismini Esme deb qo‘yishni rejalashtirishgan. Ammo uch yil davomida Sezin Bozanchi aynan shu ism bilan rollarni ijro etgan. Tomoshabinlar yangi qahramonni “Qo‘rg‘on sirlari” serialidagi qahramon bilan adashtirib yubormasligi uchun ismini o‘zgartirishga qaror qilishdi.

Hulya Duyar