Ma’lumki, “Qo‘rg‘on sirlari” serialining uchinchi mavsumi ko‘pchilikning noroziligiga uchradi. Shu sababdan ham serial yakuni prodyuser va ssenariy mualliflari tomonidan shoshilinch qayta yozilgan. Xo‘sh, nega jamoa “Qo‘rg‘on sirlari”ni fojiali tugatmoqchi? Bunga “Sevgi iztirobi” muvaffaqiyatining qanday aloqasi bor?
Tarik Ehsanli — Amir Ko‘zjuo‘g‘lining prototipi
“Qo‘rg‘on sirlari” serialidagi Tarikning xatti-harakatlari, uslubi va aqlli yurish-turishlari “Sevgi iztirobi”dagi Amirni eslatadi. Tan olish kerak, Afra Sarachog‘lu va Mert Ramazon Demir ishtirok etgan loyihada paydo bo‘lgan barcha salbiy qahramonlar orasida aynan Seyran Shanlining ikkinchi “qallig‘i” bosh qahramon uchun eng munosib raqibdir. Bundan tashqari, u xuddi Amir Nihonni qo‘lga kiritish g‘oyasi bilan qanchalik band bo‘lganidek, Seyranni o‘ziga bog‘lab olish g‘oyasi bilan shunchalik band.
Aytish mumkinki, tarix takrorlanmoqda, uch mavsumdan beri davom etayotgan kurash esa juda shiddatli va ba’zi o‘rinlarda hatto adolatsiz. Haddan tashqari jo‘shqin Ferit Korxan ko‘pincha sovuqqonlik bilan ish ko‘radigan Tarikka yengilib qoladi. “Sevgi iztirobi” yakunida Kamol xotini va qizini bu ruhiy kasaldan himoya qilishning boshqa yo‘li yo‘qligini anglab, Amirdan butunlay qutulish uchun o‘z jonini qurbon qiladi.
“Qo‘rg‘on sirlari”da ham xuddi shunday: Tarikni qamashdi, cho‘ktirishga ham urinishdi, lekin u hamon tirik. Demak, peshonasiga kimdir o‘q uzgandagina undan qutulish mumkin.
3. “Qo‘rg‘on sirlari”dagi bosh qahramonning o‘limi — loyihaga mantiqiylikni qaytarishning yagona yo‘li
Ijtimoiy tarmoqlarda Korxanlar va Shanlilar xiyonat, sotqinlik va hatto Kazimning sevimli kuyovlaridan biri — Abidin ishtirok etgan qotillik urinishidan keyin dasturxon atrofida o‘tirib, yoqimli suhbat qurayotganlarini muhokama qilishmoqda.
Agar birinchi mavsumda “Qo‘rg‘on sirlari” qahramonlari “bir qadam oldinga, ikki qadam orqaga” tarzida bo‘lsa-da, rivojlanishgan bo‘lsa, uchinchi mavsumda hamma nafaqat avvalgi holatiga qaytdi, balki o‘zlarining eng yomon ko‘rinishiga aylandi.
“Sevgi iztirobi” ijodkorlari Kamolning o‘limini haligacha kechira olmayotgan bo‘lsa-da, ba’zilar faqat shunday yakunlanish mantiqan to‘g‘ri bo‘lganini tushuna boshladi. Qahramonlar o‘z muhabbatlari uchun kurashdi, qisqa muddat bo‘lsa-da, baxtdan bahramand bo‘ldi, ammo “g‘alaba” uchun haq to‘lashga to‘g‘ri keldi.
“Qo‘rg‘on sirlari”da Ferit va Seyran bir-birlarini shunchalik ko‘p ranjitib, xafa qilishganki, hozirgi “shirin hayot manzarasi” sun’iy, g‘alati tuyuladi. Ssenariy mualliflarining nazarida qahramonlarning xotirasi yo‘qolgan, biroq tomoshabinlar ularning o‘zaro janjallari va dahshatli xatti-harakatlarini eslab qolgan.
Shu sababli yo‘l qo‘ygan xatolari va bir-birini deb o‘zgarishni bilmaganliklari uchun Seyran va Ferit albatta jazolanishlari kerak. Bu shafqatsizlik bo‘lsa-da, bunday yakun haqiqatga yaqin. Bundan tashqari, u muxlislarni zo‘ravonlik munosabatlarini ideallashtirmaslikka undaydi.
Feritning Teshko timsolidagi kichik nusxasi bejiz kiritilmagan
Ferit va Seyran qo‘rg‘onga olib kelgan kichkina bola bosh qahramonga o‘xshashligini hamma payqadi. Taxminlarga ko‘ra, dastlab ssenariy mualliflari Ferit vafotidan so‘ng hamma, jumladan Seyran ham sevimli erining “nusxasi”dan tasalli topishini ko‘zlagan.
So‘nggi qismda Teshko butun oila oldida ijro etgan qo‘shiq yanada shubhali. “Kara sevda” iborasi takrorlangan bu kuy Burak O‘zchivit va Neslihan Atagul bosh rollarni ijro etgan o‘sha mashhur serial nomini aynan takrorlaydi.
Turk tilida “kara sevda” — yo‘lidagi hamma narsani supurib tashlashga qodir, jinnilikka yaqin muhabbatni ham, ikki kishiga birga baxtli bo‘lish nasib etmagani uchun paydo bo‘ladigan achchiq tuyg‘uni ham anglatishi mumkin.
Izoh (0)