Turk aktyor va aktrisalari shaxsiy hayotida ro‘y berayotgan yangiliklar va so‘nggi kunlarda yulduzlar nimalar bilan band ekani haqidagi ma’lumotlarni e’tiboringizga havola qilamiz.
1. Hafsanur Sanjaktutan va Kubilay Aka Moskvaga tashrif buyurdi
Mashhur aktyor va aktrisa Hafsanur Sanjaktutan hamda Kubilay Aka Moskvaga kelganidan so‘ng, ijtimoiy tarmoqlarda haqiqiy “portlash” yuz berdi. Ular bilan birga “Chuqur” serialining deyarli barcha asosiy aktyorlari ham Rossiyaga yo‘l oldi. Yulduzlar Moskvada o‘tayotgan “Art-Futbol” futbol-musiqa festivalida ishtirok etmoqda. Ko‘plab muxlislar bu tashrifni Turkiya va Rossiya o‘rtasidagi yangi ijodiy hamkorlikka zamin deb baholamoqda.
2. Dogukon Gyungor Sochi kinofestivalida faxriy mehmon bo‘ldi
“Qizil sharbat” serialida Fotih obrazini yaratgan aktyor Dogukon Gyungor 25-Sochi kinofestivalida Turkiya vakili sifatida ishtirok etdi. Tantanali marosimda faxriy mehmon maqomida qatnashgan aktyor sochilik muxlislar tomonidan iliq kutib olindi. U ijtimoiy tarmoqlarda suratlarini ulashib, ko‘rsatilgan e’tibor uchun minnatdorchilik bildirdi.
3. “Agar podshoh yutqazsa” serialida ssenariy muallifi almashtirildi
Xalit Ergench rol ijro etayotgan “Agar podshoh yutqazsa” serialining yangi mavsumi boshqa ssenariy muallifi tomonidan yoziladi. Bu yangilik tomoshabinlar orasida turli munosabatlarga sabab bo‘ldi. Ilgari “Qo‘rg‘on sirlari” serialida ham shunday holat kuzatilgan edi — muallif Ertan Kurtaran loyihadan ketib, uning o‘rnini “Shisha ortidagi qiz” muallifi Seda Altayli Turgutlu egallagan. Ushbu tajribali muallif bilan loyiha sifatli davom etadi degan umid bor.
4. Faxriye Evjen koreys doramasi asosida suratga olinadigan serialda bosh rolni ijro etadi
Tug‘ruq ta’tilidan so‘ng ekranlarga qaytishga tayyorlanayotgan Faxriye Evjen yangi loyiha uchun bosh rolga tasdiqlandi. Bu safar u “Hurliqoning tug‘ilishi” nomli koreys doramasining turkcha moslamasida rol ijro etadi. Tomoshabinlar so‘nggi vaqtlarda dorama adaptatsiyalarining soni ortib borayotganidan xavotir bildirayotgan bo‘lsa-da, bu safargi loyiha muvaffaqiyatli chiqishiga umid kuchli.
5. Sibel Toshchiog‘lu “Qo‘rg‘on sirlari” rejissyori bilan yangi serialda ishlaydi
“Qizil sharbat” serialining uchinchi mavsumida obrazidan ajralgan Sibel Toshchiog‘lu rejissyor Burju Alptekin bilan yangi loyiha — “Yurak urishi” serialida ishlaydi. Serialda yana bir kuchli aktrisa — “Muhtasham yuz yil” orqali tanilgan Deniz Chakir ham ishtirok etadi. Tomoshabinlar bu duetni katta qiziqish bilan kutmoqda.
6. Nilperi Shaxinkaya va Oktay Chubuk orasida munosabatlar borligi aytilmoqda
Turkiya matbuoti Nilperi Shaxinkaya hamkasbi Oktay Chubuk bilan yaqin munosabatda ekani haqida yozmoqda. “Agar podshoh yutqazsa” serialidan chiqqanidan so‘ng, aktrisa shaxsiy hayotiga ko‘proq vaqt ajrata boshlagani aytilmoqda. Ularning orasidagi 8 yosh farq esa bu mish-mishlarni yanada ko‘proq muhokama qilinishiga sabab bo‘ldi. Hozircha rasmiy tasdiq yo‘q.
7. Kivanch Tatlitug yangi ilmiy-fantastik serialda bosh rolni ijro etadi
OGM Pictures yangi loyihalar ustida ish boshlagan. Ular orasida amerikalik yozuvchi Adam Fauer asari asosida suratga olinadigan ilmiy-fantastik serial ham bor. Serialda bosh qahramon Devid Keyn obrazini Kivanch Tatlitug gavdalantirishi kutilmoqda. Uning obrazi qimorboz, ajoyib matematik va epilepsiyadan aziyat chekayotgan murakkab shaxs. Voqealar sirli voqea bilan boshlanadi va o‘ziga xos dramatik syujet quriladi.
8. Ipek Karapinar va Ali Baldji oila qurdi
“Hukmdor Usmon” serialida rol ijro etgan Ipek Karapinar va “Sevgi iztirobi” serialining rejissyori Ali Baldji o‘zaro nikohdan o‘tishdi. Juftlikning tanishuvi va nikohgacha bo‘lgan davri atigi 10 oyga cho‘zilgan. Ularning munosabatlari avvaldan jiddiy ko‘ringani tufayli muxlislar bu yangilikni quvonch bilan qarshi oldi.
9. Afra Saraog‘lu va Furkon Andich “Pera” nomli yangi serialda birga rol ijro etadi
Disney+ platformasi uchun suratga olinadigan sakkiz qismli “Pera” serialida Afraning kim bilan ishlashi ma’lum bo‘ldi. Bloger qiz bilan yaqin aloqada bo‘ladigan novvoy rolini Furkon Andich ijro etadi. Furkon ilgari ham Afra bilan juftlik obrazini gavdalantirgan. Shuning uchun muxlislar ularning qayta birlashuvini ijobiy baholamoqda.
10. “Sevgi iztirobi” va “Hukmdor Usmon” seriallari yulduzi ota bo‘ldi
Burak O‘zchivit bilan bir necha loyihalarda ishtirok etgan aktyor Ryuzgar Aksoy o‘g‘illi bo‘ldi. Uning farzandi 2025-yil 7-iyun kuni dunyoga keldi. Bolaga fors-tojikcha ism — Diyor deb qo‘yildi.
Izoh (0)