So‘nggi paytlarda turk seriallari tobora ko‘proq tomoshabinlar eʼtiborini qozonmoqda. Barchangiz “Sevgi iztirobi”, “Qalbim eshigini qoq”, “Qulupnay ifori” va boshqa ko‘plab turk seriallari nomlarini eshitgansiz va ko‘rgansiz. Yaqin Sharq kino sanoati bu yilning eng ko‘p haq oladigan aktrisasi nomini maʼlum qildi.
Daromad bo‘yicha peshqadam 33 yoshli Demet O‘zdemir bo‘ldi. “Qulupnay ifori” va “To‘rg‘ay” yulduzi hozirda yangi serial — “Eshrefning orzusi”da suratga tushmoqda. Bu mavsumda aktrisaga har bir qism uchun 39 000 dollar to‘lanmoqda.
Aytgancha, Demetning suratga olish maydonidagi hamkori va bosh rol ijrochisi Chag‘atoy Ulusoy ham eng muvaffaqiyatli bo‘lib, 89 000 dollar miqdorida gonorar olmoqda.
Qizig‘i shundaki, aktrisaning karyerasi gullab-yashnayotgan bo‘lsa-da, shaxsiy hayotida hamma narsa ham silliq emas. Qiz 2022-yil 28-avgustda xonanda O‘g‘uzxon Ko‘chga turmushga chiqqan edi. Biroq nikoh bir yil davom etdi, xolos va aprel oyida er-xotin ajrashish uchun ariza topshirdi. Ilgari O‘zdemir “Qulupnay ifori” loyihasidagi hamkasbi Yusuf Chim bilan munosabat qurgan edi.
Izoh (0)