O‘zbekiston milliy terma jamoasi Jahon chempionatiga yo‘llanma oldi. Shu munosabat bilan, 10-iyun kuni Toshkent markazidagi Milliy kutubxona oldida joylashgan yoshlar shaharchasida bu ulkan yutuqni yoshlar birgalikda nishonlaydi.
“Salom, Mundial!” maxsus dasturi doirasida poytaxt yoshlari uchun futbol uchrashuvi namoyishi, DJ setlar, lazerli shoular va taniqli san’atkorlar ishtirokida ajoyib kecha bo‘lib o‘tadi.
Harakat shaharchasi futbol uchrashuvi va undan keyingi taqdirlash marosimining jonli namoyishi hamda yilning eng yorqin tantanasi — “Salom, Mundial!” supershousiga mezbonlik qiladi.
Unutilmas va qalblarni jumbushga keltiruvchi vaybni DJ, performenslar, lazerli shoular hamda O‘zbekistonning eng iste’dodli ijrochilari kafolatlaydi!
Loyiha Toshkent shahar hokimligi, O‘zbekiston futbol assotsiatsiyasi va bir nechta yirik korxonalar ko‘magida tashkil etilmoqda. Ushbu tadbirda “Daryo” axborot hamkori sifatida ishtirok etadi.
Izoh (0)