O‘zbekiston terma jamoasi Jahon chempionati saralashi 9-turida BAA bilan 0:0 hisobida durang o‘ynab, mundial yo‘llanmasiga ega chiqdi. O‘zbekiston futbol assotsiatsiyasi raisining birinchi o‘rinbosari Ravshan Ermatov o‘yindan keyin ushbu muvaffaqiyat haqida fikr bildirdi.
JCH yo‘llanmasi haqida
O‘zbekiston milliy futbol jamoasi tarixiy muvaffaqiyatga erishdi. Bu kun nafaqat yurtimiz, balki butun Osiyo futboli uchun esda qolarli sana sifatida tarixga muhrlandi. Kuchli raqiblar ustidan qo‘lga kiritilgan g‘alaba 37 millionlik xalqimiz uchun cheksiz quvonch manbai bo‘ldi. Bu — xalqimiz 34 yil davomida intiq kutgan buyuk natija edi.
Jamoaning muvaffaqiyatli ishtirokida davlat rahbarining roli beqiyos bo‘ldi. Prezident tomonidan yaratilgan sharoitlar, ko‘rsatilgan e’tibor va g‘amxo‘rlik futbolchilarga o‘z imkoniyatlarini to‘liq namoyon etish imkonini berdi. Prezidentimiz jamoani samimiy tabriklab, g‘alabada hukumatning ko‘rsatgan yordami va qo‘llab-quvvatlashini alohida ta’kidladi. Bu esa sportchilarga yanada katta kuch va ishonch bag‘ishladi.
Jamoa hozirda 10-iyun kuni Qatarga qarshi bo‘lib o‘tadigan o‘yinga tayyorgarlik ko‘rmoqda. So‘nggi g‘alaba ularga ruhiy ko‘tarinkilik berdi va jamoa keyingi uchrashuvlarga katta ishonch va qat’iyat bilan tayyorlanmoqda.
Terma jamoa futtbolchilar O‘zbekistonga qachon qaytadi?
Futbolchilar ertaga, 6-iyun kuni tushgacha vatanga qaytishi kutilmoqda. Ularni sabrsizlik bilan kutayotgan xalqimiz bu g‘alabani chin dildan nishonlashga tayyor turibdi.
O‘zbekiston bugun futbol tarixida yangi sahifa ochmoqda. Bu ulkan muvaffaqiyat nafaqat o‘yinchilarning, balki butun jamiyatning bir yoqadan bosh chiqarib harakat qilganining natijasidir. Yangi boshlangan bu davrda O‘zbekiston xalqining umidi katta, ishonchi mustahkam. Futbol maydonida yurtimiz ovozini butun dunyoga eshittirgan bu g‘alaba yana ko‘plab zafarlar uchun yo‘l ochdi.
Izoh (0)