Yoz osmonning o‘zidayoq boshlanadi: Silk Avia Toshkentdan Issiqko‘lga kunlik aviaqatnovlarni yo‘lga qo‘ymoqda

2025-yil 1-iyuldan boshlab Silk Avia aviakompaniyasi Toshkent – Tamchi (Issiqko‘l) yo‘nalishi bo‘yicha muntazam kunlik aviaqatnovlarni amalga oshirishni boshlaydi.

Issiqko‘l – Markaziy Osiyoning durdonasi, musaffo tog‘ havosi, iliq va musaffo ko‘l, obod mehmonxonalar va ajoyib tabiat manzaralarini o‘zida mujassam etgan noyob kurort hududidir. Yangi aviaqatnovlar yo‘lga qo‘yilishi bilan ushbu go‘zalliklar tomon parvoz atigi bir necha soat davom etadi va sayohatchilarni yer usti transporti orqali charchatadigan yo‘ldan xalos etadi.

Silk Avia aviakompaniyasi dam olishni havo kemasi qo‘nishi bilanoq boshlash uchun barcha sharoitni yaratishga harakat qilmodqa. Toshkent – Tamchi yo‘nalishi bo‘yicha barcha parvozlar qisqa masofalarga parvozlar uchun ideal bo‘lgan zamonaviy, ishonchli va qulay ATR 72-600 havo kemalarida amalga oshiriladi. Bundan tashqari, kurort zonasiga uchib kelish vaqti maksimal darajada qulay tanlangan: Toshkentdan jo‘nab ketish 10:20, Issiqko‘lga yetib kelish 13:25. Issiqko‘ldan qaytish aviaqatnovi 14:25 da amalga oshiriladi va 15:40 da Toshkentga yetib keladi. Jadval belgilangan joylardagi mahalliy vaqt bo‘yicha ko‘rsatilgan.

Parvozlar har kuni amalga oshiriladi, bu sayohatni rejalashtirish uchun ko‘proq imkoniyatlar ochadi – ham qisqa dam olish kunlari, ham to‘liq ta’til uchun. Endi jadvalga moslashish shart emas – jadval sizga moslashtirilgan.

Toshkent – Issiqko‘l yo‘nalishi bo‘yicha chiptalarni:

• www.silk-avia.com rasmiy saytida
• Silk Avia mobil ilovasida
• O‘zbekistonning barcha xalqaro aeroportlari kassalarida
• Uzbekistan Airways Sales filiallarida bron qilish mumkin.

Chiptalarni oldindan xarid qilishni maslahat beramiz – yo‘nalish an’anaviy ravishda, ayniqsa yoz mavsumining qizg‘in pallasida yuqori talabga ega.

• Toshkent – Issiqko‘l yo‘nalishi bo‘yicha aviachipta narxi 1 280 000 so‘mdan boshlanadi.
• Toshkent – Issiqko‘l – Toshkent aviachiptasi narxi esa 2 602 000 so‘mdan boshlanadi.

Silk Avia qulaylik va muntazamlikka e’tibor qaratadi – Issiqko‘lga yangi yo‘nalish esa bizning qadriyatlarimizni to‘liq aks ettiradi. Biz ichki va mintaqaviy parvozlarni nafaqat qulay, balki haqiqatan ham jozibador qilishga intilamiz – har bir yo‘lovchi o‘z yo‘lining har bir bosqichida g‘amxo‘rlikni his qilsin. Ta’til mavsumi yengillik bilan boshlanadi.

Silk Avia’ni tanlang – va yozni balandlikdan kashf eting!

Reklama huquqi asosida