O‘zbekiston olimpiya terma jamoasi iyun oyidagi FIFA kunlarida Fransiya olimpiya terma jamoasiga qarshi o‘rtoqlik o‘yinida maydonga tushadi. Bu haqida O‘zbekiston futbol assotsatsiyasi matbuot xizmati xabar bermoqda.
Manbaga ko‘ra, O‘zbekiston U-23—Fransiya U-23 jamoalari o‘rtasidagi bellashuv 4-iyun kuni “Orleans” stadionida bo‘lib o‘tadi.
FIFA kunlarida o‘tadigan bahs 2028-yilda Los Anjelesda o‘tadigan yozgi olimpiada o‘yinlari saralash bosqichiga tayyorgarlik vazifasini o‘tab beradi.
Avvalroq, Ravshan Haydarov O‘zbekiston olimpiya terma jamoasiga murabbiy etib tayinlangani xabar qilingan edi.
Shuningdek, Olimpiya o‘yinlarining dasturlariga bir qator aniqliklar kiritilgani hamda futbol bahslarida erkaklar uchun 12 ta kvota ajratilgani ma’lum qilindi.
Izoh (0)