“O‘zgidromet” 2-iyuldan boshlab janubdan juda issiq havo massalari kirib kelishi, issiq harorat asta-sekin ko‘tarilishini ma’lum qildi.
Qayd etilishicha, respublika shimolida 2 va 3-iyul kunlari, cho‘l hududlarda 3 va 4-iyul kunlari, respublikaning qolgan hududlarida 4-iyulda va ba’zi joylarda 5-iyulda eng issiq kunlar kuzatiladi. Ushbu kunlarda hududning katta qismida havo harorati 40-43 darajagacha, janubda va cho‘l hududlarda ba’zi joylarda 44-46 darajagacha ko‘tariladi.
“Aholidan Sog‘liqni saqlash va Favqulodda vaziyatlar vazirligi tomonidan taqdim etib borilayotgan jazirama kunlari amal qilinishi kerak bo‘lgan hamda issiq urishidan saqlanish bo‘yicha tavsiyalarga amal qilishlarini so‘raymiz”, dedi Gidrometeorologik ta’minot boshqarmasi boshlig‘i Azimjon Narzullayev.
Respublika bo‘yicha shamol tezligi 13-18 metr/sekundgacha, 3—5-iyulda ayrim joylarda ba’zida 20-25 metr/sekundgacha kuchayishi, chang-to‘zon bilan kuzatilishi mumkin.
Prognozlarga ko‘ra, 5-iyul kuni respublikaning g‘arbiy yarimi bo‘yicha, 5-iyulda barcha hududlar bo‘yicha harorat 4-6 darajaga pasayadi. Biroq iyul oyida salqin havoni kutmaslik kerak.
Iyul oyi O‘zbekistonning shimoliy hududlarida 2018-yil, janubda esa 2021-yil eng issiq iyul oyi bo‘lgan. O‘sha iyul oyida maksimal havo harorati 41-43 darajaga, shimolda, janubda va cho‘l hududlarda 44-45 darajaga yetgan. Qoraqalpog‘iston Respublikasi, Xorazm va Navoiy viloyatlarida ba’zi joylarda havo haroratining tarixiy maksimumi 46-48 daraja qayd etilgan.
O‘zbekistonda 3-iyulda kutilayotgan ob-havo
Toshkent shahrida havo biroz bulutli bo‘ladi, yog‘ingarchilik kutilmaydi. Shamol sharqdan 3-8 metr/sekund tezlikda esadi. Harorat kechasi 23-25 daraja, kunduzi 39-41 daraja bo‘ladi.
Qoraqalpog‘iston Respublikasi, Xorazm viloyatida havo biroz bulutli, baʼzi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, baʼzi joylarda 13-18 metr/sekundgacha kuchayadi, ayrim joylarda baʼzida 20-25 metr/sekundgacha kuchayishi, chang-to‘zon bilan kuzatilishi mumkin. Harorat kechasi 20-25 daraja, kunduzi 37-42 daraja bo‘ladi.
Buxoro va Navoiy viloyatlarida havo biroz bulutli, baʼzi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, baʼzi joylarda 13-18 metr/sekundgacha kuchayishi, chang-to‘zon bilan kuzatilishi mumkin. Harorat kechasi 25-30 daraja, kunduzi 41-46 daraja bo‘ladi.
Toshkent, Sirdaryo, Jizzax va Samarqand viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, baʼzi joylarda 13-18 metr/sekundgacha kuchayishi, chang-to‘zon bilan kuzatilishi mumkin. Harorat kechasi 22-27 daraja, kunduzi 38-43 daraja bo‘ladi.
Qashqadaryo va Surxondaryo viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, baʼzi joylarda 13-18 metr/sekundgacha kuchayishi, chang-to‘zon bilan kuzatilishi mumkin. Harorat kechasi 25-30 daraja, kunduzi 41-46 daraja bo‘ladi.
Andijon, Namangan va Farg‘ona viloyatlarida havo biroz bulutli, baʼzi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, baʼzi joylarda 13-18 metr/sekundgacha kuchayishi, chang-to‘zon bilan kuzatilishi mumkin. Harorat kechasi 20-25 daraja, kunduzi 35-40 daraja bo‘ladi.
Respublikaning tog‘oldi va tog‘li hududlarida havo biroz bulutli, baʼzi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, baʼzi joylarda 13-18 metr/sekundgacha kuchayishi mumkin. Harorat kechasi 15-20 daraja, kunduzi 28-33 daraja bo‘ladi.
Izoh (0)