Bugun, 3-aprel kuni FIFA milliy terma jamoalar reytingini yangiladi. Mart oyidagi o‘yinlarda O‘zbekiston milliy jamoasi umumiy 11,86 ball to‘pladi va 1 pog‘ona yuqorilab, dunyoda 57-o‘rindan joy oldi.
O‘zbekiston 20-mart kuni Jahon chempionati saralashi 7-turida Qirg‘iziston ustidan 1:0 hisobida g‘alaba qozondi. Ushbu g‘alabadan keyin O‘zbekiston FIFA reytingida 7,31 ballni qo‘lga kiritdi. Jamoa 25-mart kuni Tehronda Eronga qarshi maydonga tushib, 2:2 hisobida durang o‘ynadi. Mazkur natija evaziga “oq bo‘rilar” FIFA reytingi uchun 4,78 ballni qo‘lga kiritdi va o‘z hisobidagi umumiy ochkolar sonini 1436,78 taga yetkazdi.
Mart oyidagi yig‘inda Osiyo terma jamoalari orasida Iroq 29,47 ochko yo‘qotib, 56-o‘rindan 59-pog‘onaga tushib ketdi va O‘zbekiston qit’adagi eng kuchli 6 jamoa qatoriga kirib oldi.
Osiyoning eng kuchli 10 terma jamoasi:
Ma’lumot uchun, ayni payt FIFA reytingida Argentina 1886,16 ochko bilan yetakchilik qilmoqda. Ispaniya 1854,64 ball bilan 2-o‘rinni egallab turibdi. Fransiya esa 1852,71 ochko bilan kuchli uchlikka yakun yasagan.
Izoh (0)