Iordaniya terma jamoasi B guruhida ikkinchi o‘rinni egallab, tarixida ilk marta mundial yo‘llanmasini qo‘lga kiritdi. Jamoa 9-turda Ummonni 3:0 hisobida mag‘lub etib, muddatidan avval Jahon chempionatiga yo‘l oldi.
Shu bilan birga, bu guruhda Janubiy Koreya terma jamoasi ham peshqadam sifatida 2026-yil AQSH, Meksika va Kanada maydonlarida bo‘ladigan Jahon chempionati yo‘llanmasiga ega chiqdi. Ayni payt B guruhida Janubiy Koreya 19 ochko to‘plagan bo‘lsa, Iordaniya 16 ochko bilan ikkinchi pog‘onani egallab turibdi.
Jahon chempionatiga yo‘l olgan jamoalar ro‘yxati:
- AQSh (mezbon)
- Meksika (mezbon)
- Kanada (mezbon)
- Yaponiya
- Yangi Zelandiya
- Eron
- Argentina
- O‘zbekiston
- Janubiy Koreya
- Iordaniya
Eslatib o‘tamiz, O‘zbekiston terma jamoasi ham o‘z tarixida ilk marta Jahon chempionatiga chiqdi. Temur Kapadze jamoasi 8-turda BAA bilan 0:0 hisobida durang o‘ynadi va bu “oq bo‘rilar” uchun 2026-yilda o‘tkaziladigan mundial chiptasini kafolatladi.
O‘zbekiston so‘nggi turni Toshkentda o‘tkazadi. Ular 10-iyun kuni bo‘ladigan bahsda Qatarni qabul qiladi. Bellashuv 18:45 da boshlanadi.
Izoh (0)