O‘zbekistonlik hakamlar brigadasi klublar o‘rtasidagi Jahon chempionatida ishtirok etadi. Bu haqda O‘zbekiston futbol assotsiatsiyasi matbuot xizmati xabar berdi.
Joriy yilning 14-iyunidan 13-iyuliga qadar Amerika Qo‘shma Shtatlarida klublar o‘rtasidagi Jahon chempionati bo‘lib o‘tadi. FIFA klublar mundialida faoliyat olib boruvchi rasmiylar ro‘yxatini e’lon qildi. Ushbu musobaqada Ilgiz Tantashev boshchiligidagi o‘zbekistonlik hakamlar brigadasi ham ishtirok etadi. Qanotlarda unga, Andrey Tsapenko hamda Timur Gaynullin yordam beradi.
Ma’lumot uchun, 2025-yildan boshlab klublar o‘rtasidagi Jahon chempionatida 32 ta jamoa ishtirok etadi. Yevropadan 12 ta jamoa, Janubiy Amerikadan 6 ta, Afrika, Osiyo va KONKAKAFdan 4 tadan va Okeaniyadan bitta jamoa ishtirok etadi.
Izoh (0)