Toshkent va Samarqand viloyatlarida energiya resurslaridan noqonuniy foydalanganlik holatlari fosh etildi. Bu haqda Bosh prokuratura huzuridagi departament xabar berdi.
Maʼlum qilinishicha, Toshkent tumanida fuqarolar A.Q. va J.T. davlat ro‘yxatidan o‘tmasdan fuqaro Sh.Sh.ning “Bog‘izilol” MFY hududidagi binosida ishlab chiqarish faoliyati bilan shug‘ullanib, tijorat maqsadida elektr tarmog‘iga to‘g‘ridan to‘g‘ri ulangan.
Ular 221,4 mln so‘mlik elektrdan noqonuniy foydalangan.
Shuningdek, Samarqand shahrida fuqaro B.X. “Do‘stlik” MFY hududidagi issiqxonasida tijorat maqsadida tabiiy gaz tarmog‘iga o‘zboshimchalik bilan ulangan.
Natijada 190 mln so‘mlik tabiiy gazdan noqonuniy foydalanilgan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
Bunday holatlar soni ortib bormoqda
Samarqand viloyatidagi korxonalardan biri 553 million so‘mlik elektrdan noqonuniy foydalangani aniqlangandi. Shu bilan birga, Qashqadaryoda 177 mln so‘mlik gaz va “svet”dan noqonuniy foydalangan shaxslar ushlangani xabar qilingandi.
Shuningdek, Qashqadaryoda elektrdan noqonuniy foydalangan korxona davlatga 1 mlrd so‘mdan ziyod zarar yetkazgan. Bundan tashqari, Toshkent, Samarqand va Qashqadaryo viloyatlarida energiya resurslariga noqonuniy ulanish holatlari fosh etilgandi. Shuningdek:
- Buxoroda 1,2 mlrd so‘mlik elektrdan noqonuniy foydalanilgani aniqlandi
- Qoraqalpog‘istonning uchta hududida 845 mln so‘mlik gazdan noqonuniy foydalanildi
- Buxoro va Jizzaxda elektrdan noqonuniy foydalanganlar 360 mln so‘mdan ziyod zarar yetkazdi
- Uchta viloyatda qariyb yarim mlrd so‘mlik gazdan noqonuniy foydalanildi
Izoh (0)