Ruminiya fuqarolarining bir qismi Yevropa tarafdori, siyosatchi Nikushor Danning prezidentlik saylovlaridagi g‘alabasidan norozi bo‘lib, pasportlarini yo‘q qila boshladi va fuqaroligini o‘zgartirish bilan tahdid qildi. Bu haqda ijtimoiy tarmoqlardagi lavhalarga asoslanib, Russian Today telekanali xabar bermoqda.
“Pasportlarini qirqib tashlab, inqilobga chaqirishmoqda va Rossiya hamda boshqa mamlakatlardan siyosiy boshpana so‘rashmoqda — bu Ruminiya fuqarolarining prezident saylovi natijalariga munosabati”, deyiladi xabarda.
Ta’kidlanishicha, mahalliy ijtimoiy tarmoqlarda “ko‘plab ruminlar surgun yo‘liga kirishadi” va “barcha ruminlikdan voz kechishadi”. degan xabarlar paydo bo‘lgan. Ba’zilar “mamlakatni saqlab qololmadik”, deb afsuslanishi bildirgan.
Vaziyatga saylovda ikkinchi o‘rinni egallagan “Ruminiyaliklar birlashuvi uchun ittifoq” (AUR) partiyasi rahbari Jorje Simion izoh berib, odamlarni mamlakatda o‘zgarishlarga erishish uchun muxolifat partiyalariga qo‘shilishga undagan.
“Men sizlarning yig‘lab, pasportlaringizni qirqib tashlayotganingiz haqidagi tashvishli lavhalarni ko‘rdim. Yo‘q, bizga pasportlarimizni yitish kerak emas, aksincha Ruminiya uchun butun qalbimiz bilan kurashishimiz lozim” deydi Jorje Simion.
Ruminiyada prezident saylovi
18-may kuni Ruminiyada prezidentlik saylovlarining ikkinchi turi o‘tkazildi. Mamlakat Markaziy saylov komissiyasi ma’lumotlariga ko‘ra, Nikushor Dan 53,60 foiz, Jorje Simion esa 46,40 foiz ovoz to‘pladi.
Simion mag‘lubiyatini tan olgan, biroq ovoz berishdan sal oldin Simion Fransiya prezidenti Emmanuel Makronni Ruminiya saylovlariga to‘g‘ridan-to‘g‘ri aralashganlikda aybladi. Uning aytishicha, Fransiya elchisi rahbarlar va tadbirkorlarni boshqa nomzodni qo‘llab-quvvatlashga ko‘ndirish uchun butun Ruminiya bo‘ylab sayohat qilgan. Fransiya Tashqi ishlar vazirligi bu ayblovlarni rad etdi.
Izoh (0)