Belgiyalik aktyor Jan-Klod Van Damm ekspluatatsiya qilinayotgani ma’lum bo‘lgan shaxsning jinsiy xizmatlaridan foydalanganlikda ayblanmoqda. U fohishalikka majburlangan ruminiyalik 5 nafar qizning xizmatidan foydalangani ta’kidlanmoqda. Bu haqda Hotnews xabar bermoqda.
Jabrlanuvchilardan birining advokati Ruminiyaning Uyushgan jinoyatchilik va terrorizmga qarshi kurash boshqarmasiga ariza topshirgan. Unda aytilishicha, jinoyatlar taxminan 10 yil oldin Fransiyaning Kann shahrida sodir etilgan.
“Ruminiya prokuraturasining Uyushgan jinoyatchilik va terrorizmga qarshi kurash boshqarmasi tomonidan voyaga yetmaganlar va odam savdosining ehtimoliy tarmog‘i bo‘yicha olib borilayotgan tergov ishi bolaligimizdagi mashhur yulduzlar bilan ishlarni fosh etmoqda. Jan-Klod Van Damm himoyasiz ahvolda bo‘lgan besh nafar ruminiyalik qizning jinsiy xizmatlaridan bir vaqtning o‘zida foydalangani bilan ayblanmoqda”, deydi advokat Adrian Kukulis
Advokatning ta’kidlashicha, bu tadbirlarni kim va qanday tashkil etganini aniq ko‘rsatgan guvohning ko‘rsatmalari bilan ma’lumotlar tasdiqlanadi. Jan-Klod Van Dammning ushbu sahnalardagi ishtiroki shubha ostiga olinmaydi.
Ma’lum qilinishicha, Van Damm uchun qizlarni tanlash bilan EuroDemos notijorat tashkiloti (NNT) rahbari va Kasta Morrely modellik agentligi egasi bo‘lgan ruminiyalik tadbirkor Morel Bolya shug‘ullangan. U 2022-yilda voyaga yetmaganlar savdosi ishi bo‘yicha asosiy ayblanuvchiga aylangan. Ish hujjatlarida qayd etilishicha, 2000-yildan 2016-yilgacha bo‘lgan davrda qizlar, shu jumladan voyaga yetmaganlar, ushbu NNT va modellik agentligi orqali “ruhiy bosim o‘tkazish yo‘li bilan jinsiy ekspluatatsiya” bilan bog‘liq faoliyatga jalb etilgan. Hozirgi paytda tergov harakatlari davom etmoqda.
Izoh (0)