Ruminiya rahbari ma’muriyati hamda Emil Bok hukumati 2009-yili prezident saylovini Trayan Besesku foydasiga hal qilish uchun konkret choralar ko‘rgan, buning natijasida tilga olingan siyosatchi ikkinchi marta prezidentlik lavozimini egallagan. Joriy yilning may oyida saylovdagi qoidabuzarliklarni taftish qilish maqsadida tashkil etilgan parlament komissiyasi shunday xulosaga keldi, deb xabar beradi “TASS”.
Hisobotda aytilishicha, “ikki strukturaning xatti-harakatlari sinxronlashtirilgan edi”.
“Bu ular keng miqyosli va puxta o‘ylangan rejaning qismlari bo‘lganini tasdiqlaydi”, — qo‘shimcha qilinadi hujjatda.
“Prezident saylovi natijalarini soxtalashtirish rejasini amalga oshirishda ikki struktura vakillari qasddan harakat qilgan va qonunlarni pisand qilmagan”, — ma’lum qildi parlament komissiyasi vakillaridan biri.
Ikki nomzod to‘plagan ovozlar o‘rtasidagi farq 0,68 foizni tashkil qilganini inobatga olib, komissiya aynan shu xatti-harakatlar natijani o‘zgartirib yuborgan, degan xulosaga keldi.
Izoh (0)