Argentina Oliy sudi binosining yerto‘lasidan fashistlar Germaniyasi davriga oid targ‘ibot materiallari solingan qutilar topildi. Bu haqda Perfil gazetasi xabar bermoqda.
“Oliy sud arxivlarida g‘alati topilma aniqlandi. Xodimlar arxivni ko‘chirish jarayonida bir qator materiallar solingan qutilarga ko‘zi tushgan. Ularning mazmuni bilan tanishilganda Argentinada Adolf Gitler mafkurasini targ‘ib qilishga qaratilgani aniqlandi”, deyiladi xabarda.
Ta’kidlanishicha, ushbu materiallar, jumladan, otkritkalar, fotosuratlar va plakatlar Uchinchi reyx elchixonasi tomonidan Tokiodan 1941-yil 20-iyunda yuborilgan. O‘shanda qutilarda elchixona xodimlarining shaxsiy buyumlari borligiga ishontirilganiga qaramay, yuk ushlab qolingan va Buenos-Ayres federal sudi sudyasi ularni musodara qilishni hamda ishni Oliy sudga topshirishni buyurgan. Shundan buyon qutilar sud binosining yerto‘lasida saqlanib kelgan.
Yaqinda Gitlerning FSB arxivida saqlanayotgan jag‘ suyagi surati e’lon qilindi. “Aynan shu fyurerning umrining oxirgi kunlarini Argentinaning biror joyida o‘tkazmaganining asosiy dalili hisoblanadi”, deya yozdi Inson huquqlari kengashi a’zosi Yeva Merkacheva.
Izoh (0)