“Bayer” ustozi Xabi Alonso joriy mavsum yakunida nemis klubini tark etadi. 43 yoshli ispaniyalik mutaxassis bu haqda rasman e’lon qildi.
Murabbiy klub rasmiy sahifasiga bergan bayonotida doim “Bayer” muxlisi bo‘lib qolishini aytdi:
Men “Bayer” klubiga, futbolchilarga, murabbiylar shtabiga va muxlislarimizga chuqur minnatdorchiligimni bildirmoqchiman. Bizning muvaffaqiyatimiz – bu jamoaviy mehnat natijasi. Klub menga katta ishonch bildirdi va Bundesligadagi ilk g‘alabasini haqli ravishda qo‘lga kiritdi. Bu yutuqni amalga oshirishda hissasi bo‘lgan har bir kishiga tashakkur bildiraman va ularning oldida bosh egaman. “Bayer”ga omad tilayman. Men doim Leverkuzen klubining muxlisi bo‘lib qolaman, dedi Alonso klub matbuot xizmatiga bergan bayonotida.
Xabi Alonso boshchiligida “Bayer” uchta sovrinni qo‘lga kiritdi: Bundesligada chempionlik, Germaniya Kubogi va Germaniya Superkubogi.
Ma’lumotlarga ko‘ra, ispan mutaxassisi yaqin haftalarda Madridning “Real” klubi bosh murabbiyiga aylanishi mumkin. “Qirollik klubi” Alonso uchun “Bayer”ga 12 million yevro to‘lashi ma‘lum bo‘ldi.
