O‘zbekiston Maktabgacha va maktab taʼlimi vazirligi va Islom taraqqiyot banki o‘rtasida 40 mln dollarlik grant shartnomasi imzolandi. Bu haqda vazir Hilola Umarova xabar berdi.
Maʼlum qilinishicha, ITB prezidenti Muhammad al-Jassar bilan uchrashuvda bank kelajak avlod uchun yaxshiroq taʼlim imkoniyatlari yaratishda O‘zbekiston hukumatining ishonchli hamkori bo‘lishdan mamnunligi qayd etildi.
Uchrashuv natijasida Global Partnership for Education (GPE) tomonidan taʼlim sohasiga grant shartnomasi imzolandi. Loyihaning asosiy yo‘nalishlari sifatida respublika bo‘yicha 58 ta yangi inklyuziv maktab qurish belgilangan.
Shuningdek, maktablarni zamonaviy jihozlar bilan taʼminlash, o‘qituvchilar malakasini oshirish bo‘yicha dasturlar, inklyuziv taʼlimni rivojlantirish ham loyiha yo‘nalishlari hisoblanadi.
O‘zbekistonda 3,5 ming kambag‘al oila farzandlari OTMlarga grant asosida qabul qilinadi. “O‘zbekiston – 2030” strategiyasini “Atrof-muhitni asrash va yashil iqtisodiyot” yilida amalga oshirishga oid davlat dasturi to‘g‘risidagi prezident farmoniga ko‘ra, inson salohiyatini yuksaltirish, ta’lim uchun qulay muhit yaratish ishlarini tashkil etish maqsadida 2025/2026-o‘quv yilidan yana bir qaror ishlar amalga oshiriladi.
Respublikaning har bir tumanida (shahrida) bosqichma-bosqich inklyuziv ta’lim talablariga javob beradigan kamida bittadan umumta’lim maktabi faoliyati tashkil etiladi.
Izoh (0)