O‘zbekistonda matematika fani bo‘yicha IQMath-2025 olimpiadasiga ro‘yxatdan o‘tish boshlandi. Ushbu nufuzli tanlov Raqamli iqtisodiyot va agrotexnologiyalar universiteti (UDEA) hamda Ixtisoslashtirilgan ta’lim muassasalari agentligi huzuridagi Fan olimpiadalari markazi hamkorligida tashkil etilib, sovrin jamg‘armasi 2 milliard so‘mni tashkil etadi va eng iqtidorli yoshlarni aniqlash hamda rag‘batlantirishga qaratilgan.
IQMath-2025 g‘oliblarini qanday sovg‘alar kutmoqda?
Musobaqa natijalariga ko‘ra eng yuqori natijalarni qayd etgan ishtirokchilar quyidagi qimmatbaho sovg‘alar bilan taqdirlanadi:
- Birinchi o‘rin – BYD elektromobili
- Ikkinchi o‘rin – Apple iPad Pro M4
- Uchinchi o‘rin – Apple iPhone 16 Pro Max
- Jamoaviy sovrin – 4+1 Angliyada yozgi maktab
Bu yilgi tanlov faqatgina mukofotlar bilan cheklanmay, balki xalqaro miqyosdagi ta’lim imkoniyatlarini ham taqdim etadi. Angliyaga yo‘llanmani qo‘lga kiritgan jamoa yozgi maktabda ishtirok etish huquqiga ega bo‘ladi.
Kimlar qatnashishi mumkin?
IQMath-2025 tanlovida:
10–11-sinf o‘quvchilari
Akademik litsey va kasb-hunar kolleji bitiruvchilari
20 yoshdan oshmagan yoshlar ishtirok etishi mumkin.
Olimpiada ikki bosqichda o‘tkaziladi
1-bosqich (1–10 aprel)
iq-math.uz platformasi orqali onlayn test (30 ta savol, 60 daqiqa)
Eng yuqori ball to‘plagan 500 nafar ishtirokchi 2-bosqichga yo‘llanmani qo‘lga kiritadi.
Ro‘yxatdan o‘tish, qatnashish va natijalarni aniqlash faqat iq-math.uz platformasi orqali amalga oshiriladi.
2-bosqich (18–21 aprel)
Raqamli iqtisodiyot va agrotexnologiyalar universiteti binosida oflayn shaklda o‘tkaziladi.
(5 ta masala, 90 daqiqa)
G‘oliblar yakuniy natijalarga ko‘ra aniqlanadi.
Natijalar iq-math.uz saytida va UDEA ijtimoiy tarmoqlarida e’lon qilinadi.
IQMath-2025 tanlovida ishtirok etish istagida bo‘lgan yoshlar 2025-yil 10-fevraldan 30-martgacha iq-math.uz sayti orqali ro‘yxatdan o‘tishlari kerak.
Ro‘yxatdan o‘tmagan ishtirokchilar olimpiadada qatnasha olmaydi!
G‘oliblar uchun qo‘shimcha mukofotlar
Olimpiada g‘oliblari uchun mukofot jamg‘armasi – 2 milliard so‘m!
Eng yuqori ball to‘plagan maktab jamoasi Angliyada yozgi maktabga yo‘llanma qo‘lga kiritadi.
2-bosqich ishtirokchilari UDEA talabasi bo‘lsa, 3 000 000 (uch million) so‘m miqdorida "UDEA stipendiyasi" bilan taqdirlanadi.
Olimpiada tashkilotchilari
IQMath-2025 olimpiadasi tashkilotchilaridan biri bo‘lgan UDEA universiteti zamonaviy iqtisodiyot va texnologiyalar bo‘yicha mutaxassislar tayyorlovchi yetakchi oliy ta’lim muassasalaridan biri hisoblanadi. Universitetda biznes, moliya, IT va tilshunoslik yo‘nalishlarida bakalavriat hamda magistratura dasturlari mavjud.
2025-yil uchun UDEA universiteti 200 ta to‘liq grant ajratgan bo‘lib, talabalar Coventry universiteti dasturlarida bepul tahsil olish va kafolatlangan ishga joylashish imkoniyatiga ega bo‘ladilar. Matematika bo‘yicha IQMath-2025 olimpiadasi haqida batafsil ma’lumotni iq-math.uz sayti hamda UDEA rasmiy platformalari orqali olish mumkin.
Olimpiadada ishtirok etish mutlaqo BEPUL!
Manbalar:
iq-math.uz | https://t.me/udeauz | https://t.me/Fan_olimpiadalari_M
Reklama huquqi asosida
Izoh (0)