Туркиянинг Истанбул шаҳрида ўзбекистонлик 28 ёшли аёл турмуш ўртоғини пичоқлаб ўлдирди. Бу ҳақда Hurriyet хабар берди.
-u9M-1NHl.avif)
Ҳодиса 6 апрель куни Картал туманида содир бўлган. Ўзбекистон фуқароси С.Т. моддий сабабларга кўра 42 ёшли турмуш ўртоғи Эмре Эримни билан жанжаллашиб қолган. Келишмовчилик муштлашувга айланган. Бундан ғазабланган С.Т. ошхона пичоғи билан турмуш ўртоғига зарар етказган. Аёл шундан сўнг такси бекатига қўнғироқ қилган ва “эрим касал, шифохонага бориши керак”, деб машина сўраган.
Такси ҳайдовчиси воқеа жойига етиб келганида қонга беланган эркакни кўрган. У 112 рақамига қўнғироқ қилиб, ёрдам сўраган. Воқеа жойига полиция ва тиббиёт ходимлари етиб келган. Аёл полиция ходимлари томонидан қўлга олинган.
Марҳумнинг жасади экспертиза учун Суд-тиббиёт муассасасига юборилган. Кейинчалик жасад оила аъзолари томонидан қабул қилингач, дафн этилган.
Маълум қилинишича, эр-хотиннинг турмуш қурганига 4 йил бўлган ва бир нафар боласи бор.
Изоҳ (0)