Доминикандаги тунги клуб томининг қулаб тушиши оқибатида ҳалок бўлганлар сони 221 кишига етди. Бу ҳақда Listin Diario хабар берди.
Маълум қилинишича, 189 кишининг ҳаёти сақлаб қолинган. Икки кун ичида 300 дан ортиқ фавқулодда хизматлар ходими қурбонларни қидириш ва қутқариш, шунингдек, жасадларни олиб чиқиш билан шуғулланган. 150 дан ортиқ жабрланганлар ҳали ҳам касалхоналарда қолмоқда.
Доминиканда ушбу қутқарув операцияси 20 йилда фавқулодда вазиятлар хизмати учун энг мураккаби бўлди. Соғлиқни сақлаш вазири Виктор Аталлаҳнинг сўзларига кўра, клубда бўлганларнинг аксарияти “ўша заҳотиёқ” ҳалок бўлган. Экспертиза давомида мутахассислар 146 нафар марҳумнинг шахсини аниқлаган.
Фожиа 8 апрелга ўтар кечаси Jet Set клубида юз берди. Клубда сиёсатчилар, спортчилар ва бошқа машҳурлар иштирокида концерт бўлаётганди. Доминикан президенти Луис Абинадер мамлакатда уч кунлик мотам эълон қилди. Қутқарувчилар том қулаганидан қарийб 12 соат ўтгач ҳам вайроналар остидан одамларни тирик ҳолда чиқарган.
Изоҳ (0)