Gaitida farzandi sehr-jodu tufayli kasal bo‘lganiga ishongan “Mikano” to‘dasi rahbari Monel Feliks 180 kishini o‘ldirtirdi. Bu haqda Reuters xabar berdi.
Ma’lum qilinishicha, Site-Soley xarobalarida Wharf Jeremie to‘dasi ommaviy qotillik sodir etgan. Feliks bolasi kasalligi sababni aniqlash uchun vudu kohiniga murojaat qilgan. Kohin xarobadagi qariyalar bolaga jodu qilgani tufayli u kasal bo‘lganini aytgan. Natijada Feliks ularni o‘ldirishga buyruq bergan.
Shundan keyin pichoq bilan qurollangan to‘da a’zolari 6-dekabr kuni kamida 60 kishini, 7-dekabr kuni esa 50 kishini o‘ldirgan. Hozirda ularning soni 180 kishini tashkil etmoqda, qurbonlarning bari 60 yoshdan oshganlardir. Feliksning bolasi 7-dekabr kuni vafot etgan.
2022-yilda Feliksning qo‘shni Dominikan Respublikasiga kirishi taqiqlangandi. Birlashgan Millatlar Tashkilotining 2024-yil oktyabr oyidagi baholariga ko‘ra, uning Wharf Jeremie nomli to‘dasi 300 kishini tashkil qiladi.
Izoh (0)