O‘zbekiston Olimpiya jamoasi hujumchisi Alisher Odilov faoliyatini Rossiya Premyer Ligasida davom ettiradi.
23 yoshli futbolchi “Ximki” klubiga o‘tdi.
“Paxtakor” tarbiyalanuvchisi so‘nggi mavsumni “Olimpik” safida o‘tkazdi. Ushbu mavsumda Alisher Superligada 12 ta o‘yinda 3 ta gol urdi.
Alisher Odilovning vakillari Hojimat Erkinov to‘p tepadigan BAAning “Al-Vahda” klubi bilan faol tarzda muzokaralar olib borgan, ammo oxirgi pallada futbolchining agentlari Rossiya klubiga qiziqish bildirgan. Futbolchi va klub o‘rtasidagi shartnoma 1+1 ko‘rinishida imzolandi.
Odilov Parij Olimpiadasida qatnashdi. Ikki o‘yinda maydonga tushgan futbolchi O‘zbekiston uchun yagona ochko olib kelgan Dominikan bilan bahsda to‘p kiritishga erishgandi.
“Ximki” bu mavsumda RPLda 6 o‘yinda 6 ochko to‘plab, 11-o‘rinda bormoqda.
Izoh (0)