Gollivud yulduzlarining havas qilsa arzigulik qizlari doimo omma e’tiborida. Ular nafaqat mashhur ota-onalari sababli, balki o‘z iste’dodi tufayli o‘z muxlislariga ega.
Kaya Gerber — Sindi Krouford va Rendi Gerberning qizi
Badavlat tadbirkor va super modellarning merosxo‘ri Kaya Gerber ota-onasi kabi jozibali va iste’dodlidir. U onasi ishlagan kasbni tanladi va hozirda moda olamida faoliyat yuritib kelmoqda.
Leni Klum — Haydi Klum va Silning qizi
2004-yilda tug‘ilgan Leni Klum ikki yil oldin modellik faoliyatini boshladi. Avval u onasi bilan birgalikda Vogue Deutsch muqovasida paydo bo‘ldi. Shundan so‘ng Leni yakkaxon modellik faoliyatini boshladi. Model shu vaqtgacha Glamour Germany, Harper’s Bazaar Germany va ELLE jurnallarining muqovalarida chiqqan. Shuningdek, u Dior va Dior Beauty ambassadori hisoblanadi.
Modelning biologik otasi italiyalik tadbirkor Flavio Briatore, ammo Haydi homiladorlik paytida u bilan ajrashgan va Leni keyinchalik musiqachi Sil tomonidan asrab olingan.
Deva Kassel — Monika Belluchchi va Vinsent Kasselning qizi
Go‘zallik borasida onasidan qolishmaydigan Devani moda olamida yorqin kelajak kutayotganiga shubha yo‘q. Kassel 2019-yilda onasi uzoq vaqtdan buyon hamkorlik qilib keladigan Dolce&Gabbana brendi bilan shartnoma tuzishga muvaffaq bo‘lgan. Brendning parfyumeriya tarmog‘i ambassadori bo‘lgan Deva atir reklamasida suratga tushgan. Modellikdan tashqari u musiqaga ham qiziqadi, gitara chalish va qo‘shiq kuylashni yaxshi uddalaydi.
Midou Uoker — Pol Uoker va Rebekka Soterosning qizi
Midou “Forsaj” franshizasida Brayan O‘Konnor obrazini gavdalantirgan Pol Uokerning yagona farzandi. 2017-yilda u Walker DNA Models agentligi bilan shartnoma imzoladi. U Proenza Schouler va Givenchy kabi brendlar bilan ham ishlagan. Midou yoga, akupunktura va tibbiyotga qiziqadi. U 2015-yilda asos solgan The Paul Walker Foundation nomli ekologik tashkiloti orqali otasining xayriya ishlarini davom ettirmoqda.
2021-yil oktyabr oyida Midou Uoker aktyor Lui Tornton-Allan bilan Dominikan Respublikasida turmush qurishgan edi. 2024-yil fevralda juftlik ajrashgani ma’lum bo‘lgan.
Lili-Rouz Depp — Jonni Depp va Vanessa Paradining qizi
Lili-Rouz fransuz va amerikalik aktrisa bo‘lib, san’atda o‘z faoliyatini “Task” (2014) filmida epizodik rolni ijro etish bilan boshlagan va model sifatida davom ettirgan. U 2015-yildan beri Chanel modalar uyining yuzi hisoblanadi.
Keris Duglas — Ketrin Zeta-Jons va Maykl Duglasning qizi
Gollivudning eng go‘zal aktrisalaridan biri Ketrinning qizi Keris Duglas hozirda 21 yoshda bo‘lib, maktabda o‘qib yurgan kezlari o‘zini modellik sohasida sinab ko‘radi. U onasi bilan moda sanoatiga oid turli tadbirlarda ishtirok eta boshladi, so‘ng ilk bor italyan brendi Fendi uchun suratga tushdi. Hozirda Keris Duglas modellik karyerasini davom ettirmoqda.
Lila Greys Moss — Keyt Moss va Jefferson Hekning qizi
Model Keyt Moss va Jefferson Hekning qizi ham kasb borasida onasining izidan ketgan. 21 yoshli sohibjamol avvaliga reklama kampaniyalarida suratga tushgan. 2020-yilda Miu Miu’ning chiqishlarida ishtirok etgan. Keyinchalik u Vogue Italia hamda Marc Jacobs Beauty jurnal muqovasini bezagan.
Izoh (0)