Futbol bo‘yicha O‘zbekiston Superligasining 1-turidan o‘rin olgan qoldirilgan uchrashuv 2-aprel, chorshanba kuni bo‘lib o‘tdi.
Unda Toshkentning “Paxtakor” jamoasi “JAR” stadionida Muborakning “Mashʼal” klubini qabul qildi. Uchrashuvning birinchi bo‘limidayoq o‘yin masalasi hal bo‘ldi deyish mumkin.
13-daqiqada Igor Sergeyev hisobni ochdi. 45-daqiqaga kelib esa Flamarion Jovino hisobni ikkitaga oshirdi. Hakam tomonidan birinchi bo‘limga qo‘shib berilgan vaqtlarda Sergeyev dublga erishib, hisobni uchtaga oshirib qo‘ydi.
Ikkinchi bo‘limda ham “sherlar” tin olishmadi. 58-daqiqada Otabek Jo‘raqo‘ziyev hisobni yiriklashtirgan bo‘lsa, 75-daqiqada muborakliklar aʼzosi Dilshod Rahmatullayev o‘z darvozasini ishg‘ol qilib qo‘ydi.
Shunday qilib, “Paxtakor” Superliganing joriy mavsumidagi ilk g‘alabasini nishonladi.
Superliga
1-tur
2-aprel, chorshanba
“Paxtakor” — “Mashʼal” 5:0
Gollar: 1:0 — 13, Igor Sergeyev, 2:0 — 45, Flamarion Jovino, 3:0 — 45+3, Igor Sergeyev, 4:0 — 58, Otabek Jo‘raqo‘ziyev, 5:0 — 75, Dilshod Rahmatullayev (avtogol).
“Paxtakor”: 19.Jonatan, 7.Alijonov, 4.Abdullayev, 5.Hamraliyev, 22.Adhamzoda (44.Mahamadjonov, 64), 47.Lukka, 27.Sobirxo‘jayev (9.Ibrohimov, 46), 8.Xolmatov (23.Bo‘riyev, 79), 17.Hamdamov (6.O‘rinboyev, 64), 50.Flamarion (30.Jo‘raqo‘ziyev, 46), 11.Sergeyev.
“Mashʼal”: 12.To‘xtaboyev, 2.Salifu (18.Rahmatullayev, 34), 5.Ochilov, 6.Abdualimov, 7.Baratov (96.No‘monov, 76), 8.Abduraimov (19.Sharipov, 46), 9.G‘anixonov (17.Murodov, 46), 10.Murtazoyev (30.Norbekov, 68), 15.Aliqulov, 24.Mamatxo‘jayev, 34.Jo‘rayev.
Izoh (0)