Futbol bo‘yicha O‘zbekiston Superligasining 24-turidan o‘rin olgan markaziy bahs 9-noyabr, shanba kuni bo‘lib o‘tdi.
Unda “Navbahor” Namanganda “Paxtakor” klubini qabul qildi.
Uchrashuvning 3-daqiqasida Siyovash Haqnazariy hisobni ochdi. Otabek Jo‘raqo‘ziyev 36-daqiqada hisobni tenglashtirdi. 7 daqiqa o‘tib Siyovash ikkinchi golni kiritdi — 2:1. Xolmatovning ajoyib to‘p uzatishidan so‘ng Jo‘raqo‘ziyev ham o‘z hisobiga dubl yozib qo‘yi.
60-daqiqada mehmonlar safida Asqarov qizil kartochka oldi. Bir kishi ko‘p bo‘lib harakat qilishni boshlagan namanganliklar 2 daqiqa o‘tib hisobda oldinga chiqib oldi. Gol muallifi — Jamshid Iskanderov. Hakam tomonidan qo‘shib berilgan daqiqalarda Nikibadze va Jamshid Iskanderov yana bittadan gol urishga erishdi va “Paxtakor” Namangandan yirik hisobdagi mag‘lubiyat bilan qaytadigan bo‘ldi.
Shu tariqa “Navbahor” 39 ochko bilan 3-o‘ringa ko‘tarildi. 38 ochko to‘plagan “Paxtakor” 4-o‘ringa tushdi.
Superliga.
24-tur
9-noyabr, shanba
“Navbahor”— “Paxtakor” 5:2
Gollar: 1:0 — Siyovash Haqnazariy (3), 1:1 — Otabek Jo‘raqo‘ziyev (36), 2:1 — Siyovash Haqnazariy (43), 2:2 — Otabek Jo‘raqo‘ziyev (46), 3:2 — Jamshid Iskanderov (62), 4:2 — Giorgi Nikibadze (90+2), 5:2 — Jamshid Iskanderov (90+7).
“Navbahor”: 18.Eldorbek Suyunov, 7.Azimjon Ahmedov, 8.Siavash Haqnazariy, 9.Odiljon Hamrobekov, 10.Jamshid Iskanderov, 12.Saidazamat Mirsaidov, 13.Filip Ivanovich, 14.Jamshid Boltaboyev, 22.Toma Tabatadze, 23.Yovan Jokich, 34.Farrux Sayfiyev.
“Paxtakor”: 12.Vladimir Nazarov, 3.Shahzod Azmiddinov (8.Diyor Xolmatov 46), 4.Abdulla Abdullayev, 7.Xojiakbar Alijonov, 17.Dostonbek Hamdamov (44.Mahmudjon Mahammadjonov 58), 22.Umar Adhamzoda (2.Behruzbek Asqarov 46), 23.Abdurauf Bo‘riyev, 27.Sardor Sobirxo‘jayev, 30.Otabek Jo‘raqo‘ziyev, 55.Muhammadrasul Abdumajidov, 99.Ulug‘bek Hoshimov.
Chetlatish: Behro‘z Asqarov, 60
Izoh (0)