Футбол бўйича Ўзбекистон Суперлигасининг 1-туридан ўрин олган қолдирилган учрашув 2 апрель, чоршанба куни бўлиб ўтди.
Унда Тошкентнинг “Пахтакор” жамоаси “ЖАР” стадионида Муборакнинг “Машъал” клубини қабул қилди. Учрашувнинг биринчи бўлимидаёқ ўйин масаласи ҳал бўлди дейиш мумкин.
13-дақиқада Игор Сергеев ҳисобни очди. 45-дақиқага келиб эса Фламарион Жовино ҳисобни иккитага оширди. Ҳакам томонидан биринчи бўлимга қўшиб берилган вақтларда Сергеев дублга эришиб, ҳисобни учтага ошириб қўйди.
Иккинчи бўлимда ҳам “шерлар” тин олишмади. 58-дақиқада Отабек Жўрақўзиев ҳисобни йириклаштирган бўлса, 75-дақиқада муборакликлар аъзоси Дилшод Раҳматуллаев ўз дарвозасини ишғол қилиб қўйди.
Шундай қилиб, “Пахтакор” Суперлиганинг жорий мавсумидаги илк ғалабасини нишонлади.
Суперлига
1-тур
2 апрель, чоршанба
“Пахтакор” — “Машъал” 5:0
Голлар: 1:0 — 13, Игор Сергеев, 2:0 — 45, Фламарион Жовино, 3:0 — 45+3, Игор Сергеев, 4:0 — 58, Отабек Жўрақўзиев, 5:0 — 75, Дилшод Раҳматуллаев (автогол).
“Пахтакор”: 19.Жонатан, 7.Алижонов, 4.Абдуллаев, 5.Ҳамралиев, 22.Адҳамзода (44.Маҳамаджонов, 64), 47.Лукка, 27.Собирхўжаев (9.Иброҳимов, 46), 8.Холматов (23.Бўриев, 79), 17.Ҳамдамов (6.Ўринбоев, 64), 50.Фламарион (30.Жўрақўзиев, 46), 11.Сергеев.
“Машъал”: 12.Тўхтабоев, 2.Салифу (18.Раҳматуллаев, 34), 5.Очилов, 6.Абдуалимов, 7.Баратов (96.Нўмонов, 76), 8.Абдураимов (19.Шарипов, 46), 9.Ғанихонов (17.Муродов, 46), 10.Муртазоев (30.Норбеков, 68), 15.Алиқулов, 24.Маматхўжаев, 34.Жўраев.
Изоҳ (0)