O‘zbekiston terma jamoasi yarim himoyachisi Jasurbek Yaxshiboyev faoliyatini Eron chempionatida davom ettiradi. 27 yoshli futbolchi “Nassaji Mazandaran” klubi bilan shartnoma imzolagan.
Xabar rasman tasdiqlanmagan, ammo ijtimoiy tarmoqda futbolchi klub bilan bitim imzolagani haqida rasmlar tarqaldi. Hozircha shartnoma necha yilga mo‘ljallangani va oylik maoshlari haqida ma‘lumotlar oshkor qilinmagan.
O‘tgan mavsumda Yaxshiboyev Qozog‘istonning “Ordabasi” jamoasi safida to‘p surgan edi. Endi esa u Eron chempionatida harakat qiladi. Jasurbek Pro Ligada o‘ynayotgan to‘rtinchi o‘zbekistonlik futbolchiga aylanishi mumkin. Hozirda Eronda O‘tkir Yusupov, Jaloliddin MAsharipov va Oston O‘runov kabi O‘zbekiston terma jamoasi a’zolari bor.
Yaxshiboyev o‘z faoliyati davomida turli mamlakatlarda o‘ynagan. U “Ordabasi”dan tashqari Polshaning “Legiya”, Moldovaning “Sherif”, Belarusning “Shaxtyor” klublari sharafini himoya qilgan. O‘zbekistonda esa “Paxtakor” va “Navbahor” jamoalarida to‘p surgan.
Izoh (0)