O‘zbekiston terma jamoasi va Moskvaning SSKA klubi futbolchisi Abbosbek Fayzullaev Abduqodir Husanovning “Manchester Siti”ga o‘tishi haqida fikr bildirdi.
Albatta, men Abduqodir Husanovning “Manchester Siti”dagi debyutini ko‘rdim. O‘yindan keyin bir-birimiz bilan yozishdik. Uning har bir o‘yinini tomosha qilishga harakat qilaman. Husanovning “Manchester Siti”ga o‘tishi – ajoyib, dedi Fayzullaev TASS nashri bilan suhbatda.
Husanov “Manchester Siti” tarkibida hozirgacha 7 o‘yinda qatnashib, 1 gol urgan. Futbolchi yaqinda klub safida fevral oyining eng yaxshi futbolchisi sifatida e’tirof etildi.
Abbosbek Fayzullayev joriy mavsum “SSKA” tarkibida 18 uchrashuvda ishtirok etib, 2 gol va 3 assist muallifiga aylandi. Uning Moskva klubi bilan shartnomasi 2026-yilning yoziga qadar mo‘ljallangan.
Ma’lumot uchun, Fayzullayev va Husanov O‘zbekistonning turli xil yosh toifasidagi terma jamoalarida to‘p tepgan. Ular 2023-yil Toshkentda o‘tkazilgan 20 yoshgacha bo‘lgan futbolchilar o‘rtasidagi Osiyo Kubogida g‘alaba qozongan. 2024-yil O‘zbekiston U-23 jamoasi tarkibida tarixda ilk bor Olimpiada yo‘llanmasiga ega chiqishgan. Hozirda har ikki futbolchi ham O‘zbekiston milliy terma jamoasi a’zosi hisoblanadi.
Izoh (0)