Germaniya sharqidagi Gera shahrida noma’lum shaxs 46 yoshli ayolga benzin sepib, uni tramvayda yoqib yubordi. Bu haqda Bild xabar berdi.
Ma’lum qilinishicha, hodisa 16-mart kuni mahalliy vaqt bilan soat 10:00 atrofida sodir bo‘lgan. Hujumdan so‘ng yo‘lovchilar darhol transportni to‘xtatish uchun favqulodda tugmani bosgan. Eshiklar ochilishi bilan hujum qilgan erkak fursatdan foydalanib qochib ketgan.
Tramvay haydovchisi tezkorlik bilan harakat qilib, yonayotgan ayolni o‘t o‘chirgich yordamida o‘chirgan. Jabrlanuvchi og‘ir kuyish jarohatlarini olgan. U vertolyotda kasalxonaga yetkazilgan, ayolning ahvoli juda og‘ir deb baholanmoqda. Politsiya holat yuzasidan qotilikka suiqasd qilish bo‘yicha tergov boshlagan. Hozirda jinoyatchining jabrlanuvchi bilan tanish-tanish emasligi va shaxsi aniqlanmoqda.
- 2024-yilda shunga o‘xshash holat Nyu York metrosida yuz bergan edi. O‘shanda noma’lum erkak ayolni yoqib yuborgan, jabrlanuvchi halok bo‘lgan. Politsiya gumonlanuvchi haqidagi ma’lumot uchun 10 ming dollar miqdorida mukofot e’lon qildi. Erkakni qo‘lga olishda politsiyaga qo‘ng‘iroq qilib, uni poyezdlarning birida ko‘rganlarini aytgan maktab o‘quvchilari yordam berdi.
- Bundan tashqari yanvar oyida Misrda o‘quvchilar o‘qituvchi ayolni yoqib yuborgan edi. O‘qituvchi o‘quvchilar tabrigidan so‘ng, kuyish jarohatlari bilan kasalxonaga yotqizilgan.
Izoh (0)