Yevropa Ligasi 1/8 finalining dastlabki uchrashuvi doirasidagi “Atletik Bilbao”ga qarshi bahsda g‘alaba golini kiritgan “Roma” hujumchisi Eldor Shomurodov o‘yin haqida fikrlarini bildirib o‘tdi.
Uchrashuvdan so‘ng Shomurodov Sky Sport telekanaliga intervyu berdi.
Muhimi, biz g‘alaba qozondik. Bugun gol urganimdan baxtliman, lekin hali xursand bo‘lishga erta, sababi oldinda javob uchrashuvi bor. Biz bir oila kabi harakat qilamiz. Har bir futbolchi o‘zini “Roma”ning muhim a’zosi sifatida his qilishi kerak. Ishonch bo‘lsa, natijalar ham keladi.
Biz ertadan boshlab keyingi o‘yinlarga tayyorgarlik ko‘rishimiz kerak. Yakshanba kuni “Empoli”ga qarshi bahs bor, keyin esa Ispaniyada javob o‘yini. “Atletik”ga qarshi oson o‘yin bo‘lmaydi, biz yana g‘alaba qozonish uchun maydonga tushamiz, deydi Shomurodov Sky Sport bilan suhbatda.
“Roma” Rimda o‘tkazilgan dastlabki bahsda “Atletik”ni 2:1 hisobida mag‘lub etdi. Javob uchrashuvi 13-mart kuni Bilbaoda bo‘lib o‘tadi.
Izoh (0)