Toshkent shahrida tez tibbiy yordam xodimlari bemorni 4 soat olib yurib, so‘ng podyezdga tashlab ketdi. Bu haqdagi xabarlar ijtimoiy tarmoqlarda tarqaldi.
Ushbu holatga mahalla nozirlari eʼtiroz bildirib, tibbiyot xodimlari bilan janjallashdi. Videodan maʼlum bo‘lishicha, tez tibbiy yordam xodimlari bemorni shifoxonaga olib borgan, biroq uni hech kim qabul qilmagan.
Bemorga nisbatan unga endi hech narsa yordam bermasligi aytilgan.
Mahalla nozirlari esa tibbiyot xodimlariga bemorga yordam ko‘rsatish kerakligini aytgan. Tibbiyot vakillari esa nozirni o‘zlari bilan birga shifoxonaga borishga chorlagan.
Taʼkidlanishicha, bemor 4-darajali onkologik kasali bilan og‘rigan.
Hozircha holat yuzasidan rasmiy maʼlumot berilmadi.
Izoh (0)