Yevrokomissiya rahbari Ursula fon der Lyayen samolyotda tobi qochgan odamga birinchi yordam ko‘rsatdi.
Bu haqda Bild nashri Swiss Air aviakompaniyasining Syurixdan Bryusselga uchgan reysidagi yo‘lovchilardan biriga tayanib xabar berdi.
Biz Bryusselga uchayotgan edik, yo‘lovchilardan biriga yordam kerak bo‘lib qoldi, odatdagidek, ekipaj tibbiy bilimga ega bo‘lganlardan yordam berishni so‘radi, deya voqeani so‘zlab berdi Yevrokomissiya rahbari.
Shundan so‘ng Ursula fon der Lyayen tobi qochgan yo‘lovchiga birinchi tez tibbiy yordamni ko‘rsatgan.
Yo‘lovchilarning aytishicha, samolyot Bryusselga favqulodda qo‘nishni amalga oshirgan va u yerda bemor shifokorlar tomonidan kutib olingan. Qolganlar esa bu vaqtda samolyot ichida kutib turishgan.
Hozirda bemorning ahvoli qanday ekani haqida ma’lumot yo‘q.
Yevrokomissiya rahbari Gannover tibbiyot maktabida tibbiyot fakultetida tahsil olgan, u yerda 1991-yilda doktorlik darajasini olgan.
Bild nashrining yozishicha, bu siyosatchining samolyot bortida tobi qochgan yo‘lovchiga tez tibbiy yordam ko‘rsatishi bo‘yicha birinchi hodisa emas.
6-noyabr kuni Yevropa komissiyasi raisi Ursula fon der Lyayen “O‘zbekistonda Yevropa iqtisodiyoti kunlari” biznes-forumining ochilish marosimida ishtirokchilarga videomurojaat yo‘lladi.
Murojaatda u so‘nggi yillarda O‘zbekiston va Yevropa ilgari misli ko‘rilmagan darajada bir-biriga yaqinlashganini ta’kidladi.
Bugun O‘zbekiston yana dunyoga ochilmoqchi. Siz nafaqat Osiyoda, balki global savdo yo‘nalishlari va investitsiya oqimlarida ham o‘z markaziy o‘rningizni qaytarmoqchisiz. Yevropa esa O‘zbekistonning ming yillik tarixidagi ushbu yangi bobda sizning hamkoringiz bo‘lishni istaydi, dedi u murojaatida.
Izoh (0)