London va Madrid klublari o‘z futbolchilari bilan shartnomalarini uzaytirdi. “Aristokratlar” 23 yoshli hujumchi Nikolas Jekson bilan shartnomani 2033-yilgacha uzaytirishini rasman e’lon qildi. Avvalgi kelishuv 2031-yilning yoziga qadar amalda edi.
“Bu faqat boshlanishi. «Chelsi» Nikolas Jekson bilan 2033-yilgacha mo‘ljallangan yangi shartnoma imzolaganini mamnuniyat bilan e’lon qiladi”, deyiladi klub matbuot xizmati X (sobiq Twitter) ijtimoiy tarmog‘idagi bayonotida.
Senegallik futbolchi o‘tgan yozda “Vilyarreal”dan London klubiga o‘tgan edi. Bu davrda u barcha turnirlarda 47 ta uchrashuvda qatnashib, 18 ta gol va 7 ta golli uzatmani amalga oshirgan. Transfermarkt portalida berilgan ma’lumotlarga ko‘ra, 23 yoshli futbolchining bozor qiymati 35 million yevroni tashkil qiladi.
Ukrainalik darvozabon Andrey Lunin ham “Real” bilan shartnomasini uzaytirdi. Madridliklar 25 yoshli darvozabon bilan 2030-yilgacha shartnoma imzolaganini e’lon qildi.
Lunin 2018-yilda “Real” klubiga o‘tgan edi. Ukrainalik futbolchi klub bilan 10 ta sovrin, jumladan, 2 ta Chempionlar Ligasi va 2 bora La Ligada g‘olib chiqqan.
O‘tgan mavsumda Andrey Tibo Kurtua jarohatidan so‘ng “Real Madrid”ning asosiy darvozaboni bo‘lgandi. U bu mavsumda hali maydonga tushmadi.
Izoh (0)