“Real Madrid” darvozaboni Tibo Kurtua Belgiya terma jamoasiga qaytadi. Bu haqda terma jamoa ustozi Rudi Garsiya maʼlum qildi.
Murabbiy darvozabonning qaytishi butun Belgiya uchun yaxshi yangilikligini aytdi.
“Tiboni eng yaxshi darvozabon deb hisoblaganman. Madridga bordim. “Real” – “Manchester Siti” o‘yini oldidan u bilan ko‘rishdim. Shuningdek, o‘sha kuni Kevin de Bryuyne hamda Jeremi Doku bilan ham uchrashdim”, – dedi Garsiya.
Maʼlumot uchun, Kurtua Belgiya termasi sobiq ustozi Domeniko Tedesko bilan munozaraga borganidan keyin 2023-yil yozidan beri termada o‘ynagani yo‘q.
Izoh (0)