Futbol bo‘yicha Yevropa Chempionlar Ligasining nimchorak finalidan o‘rin olgan ikki o‘yin 13-fevral, seshanba kuni bo‘lib o‘tdi.
“Manchester Siti” safarda “Kopengagen”ga qarshi bahs olib bordi. Uchrashuvning 10-daqiqasida Kevin de Bryuyne ajoyib zarba bilan gol urib, jamoasini hisobda oldinga olib chiqdi. 34-daqiqada Mattsson muvozanatni tiklashga muvaffaq bo‘ldi. Birinchi bo‘lim oxirida Bernardu Silva “shaharliklar”ning ikkinchi goliga mualliflik qildi.
Ikkinchi bo‘lim so‘ngida esa Foden darvozani ishg‘ol qilib, uchrashuvga yakuniy nuqtani qo‘ydi. Shu tariqa Pep Gvardiola ishonchli g‘alabaga erishdi.
“Real” esa “Leypsig” mehmoni bo‘ldi va 1:0 hisobida kichik g‘alabani rasmiylashtirdi. 48-daqiqada Braim Dias tomonidan urilgan gol o‘yinda yagonaligini saqlab qoldi.
YCHL
1/8 final
13-fevral, seshanba
“Kopengagen” – “Manchester Siti” 1:3
Gollar: 0:1 – 10 de Bryuyne, 1:1 – 34 Mattsson, 1:2 – 45 Bernardu Silva, 1:3 – 90 Foden.
“Kopengagen”: Grabara, Yelert, Vavro, Makkenna, Diks, Falk, Diogu Gonsalvesh (Heylund, 70), Mattsson (Larsson, 81), Elyunussi, Klasson (Kornelius, 55), Ashuri (Sorensen, 81).
“Manchester Siti”: Ederson, Uoker, Stounz, Ruben Diash, Ake, de Bryuyne, Grilish (Doku, 21), Bernardu Silva (Mateush Nunesh, 78), Rodri, Foden, Holand.
Ogohlantirishlar: Falk (71), Diks (74), Neestrup (84).
“Leypsig” – “Real” 0:1
Gol: 0:1 – 48 Braim Dias.
“Leypsig”: Gulachi, Simakan, Orban, Klostermann, Raum, Henrixs (Aydara, 75), Shlager (Kampl, 90), Olmo (Elmaz, 76), Simons, Openda (Poulsen, 75), Sheshko.
“Real Madrid”: Lunin, Karvaxal, Nacho, Tchuameni, Mendi, Kroos, Valverde, Braim Dias (Vaskes, 84), Kamavinga, Vinisius Junior, Rodrigo (Xoselu, 84).
Ogohlantirishlar: Roze (45), Simakan (53), Karvaxal (66), Poulsen (77), Vinisius Junior (85), Sheshko (85).
Izoh (0)