Madridning “Real” klubi darvozaboni Andrey Lunin Saudiya Arabistoni chempionati klubiga o‘tish taklifini rad etdi, deb xabar bermoqda Bernabeu Digital.
Avvalroq insayder Rudi Galetti tomonidan 25 yoshli ukrainalik darvozabon Saudiya Arabistoni klubidan taklif olgani haqida aytib o‘tgan edi. Lunin bu transfer taklifini rad etdi, chunki darvozabon hali ham Yevropaning top jamoalarida o‘ynashni maqsad qilgan.
Ukrainalik futbolchining “Real”dagi keyingi taqdiri borasida hali qaror qabul qilinmagan. Madrid klubi u bilan shartnomani uzaytirish tarafdori, hammasi uning o‘ziga bog‘liq. Ya’ni, Luninda uchta yo‘l bor: “Real” bilan shartnomasini 2029-yilgacha uzaytirishi mumkin; shartnoma so‘nggigacha klubda qolishi yoki shu transfer oynasida klubni tark etishi mumkin.
Ma’lumot uchun, o‘tgan mavsumda Andrey Lunin “Real” safida 31 ta o‘yin, 32 ta gol o‘tkazib yuborgan va 12 ta o‘yinda o‘z darvozasi daxlsizligini saqlab qolgan.
Izoh (0)