Ispaniyaning nufuzli Marca nashri mavsumning hal qiluvchi pallasida “Real Madrid”dagi darvozabonlar tanlovi haqida insayder ma’lumot bilan o‘rtoqlashdi.
Manbaning xabar berishicha, La Liganing so‘nggi turida “Betis” bilan (25-may) va Chempionlar ligasi finalida Dortmundning “Borussiya”si bilan (1-iyun) o‘yinda “qirollik klubi” darvozasini belgiyalik Tibo Kurtua himoya qiladi.
“Real” klubining ukrainalik darvozaboni Andrey Lunin va ispaniyalik Kepa Arrizabalaga mavsumning so‘nggi o‘yinlarida maydonga tushmaydi.
Qayd etilishicha, “Vilyarreal” bilan o‘yinda (4:4) Lunin o‘z darvozasidan to‘rtta gol o‘tkazib yuborganiga qaramay, yaxshi saviyani ko‘rsatgan, biroq bu Karlo Anchelottining final uchun darvozabon tanlashiga ta’sir qilmaydi.
Izoh (0)