Futbol bo‘yicha UEFA Chempionlar Ligasi umumiy bosqichining 7-tur uchrashuvi yakunlandi, unda Lissabonning “Benfika” klubi va Kataloniyaning “Barselona” jamoalari o‘zaro kuch sinashdi. Uchrashuv Lissabonda joylashgan “Da Lush” stadionida bo‘lib o‘tdi.
O‘yinda “Benfika” hujumchisi Vangelis Pavlidis ochdi. 13-daqiqada “Barselona” hujumchisi Robert Levandovski penaltidan hisobni tenglashtirdi. Birinchi bo‘lim o‘rtalarida Pavlidis dublga erishdi. 30-daqiqada Pavlidis o‘zining uchinchi golini urib, xet-trikni rasmiylashtirdi.
64-daqiqada “Barselona” hujumchisi Rafinya hisobdagi farqni qisqartirdi. Ikkinchi bo‘lim o‘rtalarida himoyachi Ronald Arauxo avtogolga sababchi bo‘ldi. 78-daqiqada Levandovski penaltidan ikkinchi golini urib, dubl qayd etdi. 86-daqiqada “Barselona” himoyachisi Erik Garsiya uchrashuvdagi muvozanatni tikladi. 90+6-daqiqada Rafinya mehmonlar uchun g‘alaba golini kiritdi. Uchrashuv mehmonlarning 5:4 hisobidagi g‘alabasi bilan yakunlandi.
Ushbu g‘alabadan so‘ng Kataloniya klubi hisobidagi ochkolar soni 18 taga yetdi va jamoa umumiy bosqichda 2-o‘rinni egallab turibdi.
Chempionlar Ligasi umumiy bosqichining so‘nggi, 8-turida “Barselona” 29-yanvar kuni “Atalanta”ga qarshi o‘ynaydi. “Benfika” “Yuventus” bilan bahs olib boradi.
YCHL
Umumiy bosqich
7-tur bahsi
21-yanvar, seshanba
“Benfika” — “Barselona” 4:5
Gollar: 1:0 — Pavlidis (2), 1:1 — Levandovski (13, penalti), 2:1 — Pavlidis (22), 3:1 — Pavlidis (30, penalti), 3:2 — Rafinya (64), 4:2 — Arauxo (68, avtogol), 4:3 — Levandovski (78, penalti), 4:4 — Garsiya (87), 4:5 — Rafinya (90+6).
Benfika – Trubin, Fernandes, Otamendi, Antoniu Silva, Tomash Arauju, Ko‘kchu (Rolheyser, 80), Florentinu, Eursnes (Barreyro, 61), Skellerup (Di Mariya, 71), Pavlidis (Amduni, 80), Akturko‘g‘li (Ba, 71).
Barselona – Shesni, Balde (Ferran Torres, 74), Kubarsi, Arauxo, Kunde (Garsiya, 74), Pedri, Kasado (de Yong, 62), Rafinya, Gavi (Lopes, 62), Yamal (Martin, 90+2), Levandovski.
Ogohlantirishlar: Gavi (36), Kunde (66), Fernandes (76), de Yong (90+4), Lopes (90+9).
Izoh (0)