“Santos” klubining braziliyalik hujumchisi Neymar yozgi transfer oynasida Yevropa klubiga qaytmoqchi. Bu haqda Cadena Ser nashri xabar bermoqda.
Manbaga ko‘ra, braziliyalik futbolchi yana Yevropaga qaytib, dunyoning eng kuchli ligalarida o‘ynashni xohlaydi. Ammo buning uchun u top-klublarni unga ishonishga majbur qila olishi kerak. Mavjud variantlar ichida u hech ikkilanmay qabul qiladigan yagona taklif “Barselona” hisoblanadi.
Ma’lumot uchun, Neymar “Santos”ga o‘z professional faoliyatini qayta tiklash uchun o‘tgan. U Braziliya chempionati kabi nisbatan yengil musobaqada yana o‘zining eng yaxshi o‘yinini ko‘rsatishga harakat qiladi. Bungacha Neymar 2 yil davomida Saudiya Arabistoni klubida to‘p surdi.
Neymar Kataloniya klubida 4 yil (2013-2017) o‘ynagan. Ushbu davr mobaynida futbolchi 123 uchrashuvda maydonga tushib 68 bor raqiblar darvozasini ishg‘ol qilgan. Transfermarkt portali 33 yoshli futbolchining transfer narxini 15 million yevroga baholamoqda.
Izoh (0)