Kataloniyaning “Barselona” klubi vingeri Lamin Yamal bolaligida qaysi futbolchilarning o‘yinini tomosha qilish unga zavq berganini aytdi.
“Messidan tashqari Neymar va Ronaldinyolarning ham o‘yinlarini tomosha qilganman. Bunga ularning o‘yin uslubi va maydondagi quvnoq obrazlari sabab bo‘lgan” deya Yamalning so‘zlarini keltiradi Marca nashri.
Ma’lumot uchun, Yamal 2023-yildan beri “Barselona”ning asosiy jamoasida o‘ynab kelmoqda. Futbolchining Kataloniya klubi bilan shartnomasi 2026-yilgacha mo‘ljallangan. Ayni damda futbolchining transfer qiymati 150 million yevroga baholanmoqda.
Joriy mavsumda Yamal barcha musobaqalarda 21 ta o‘yinda maydonga tushib, 6 ta gol urdi va 12 ta golli uzatmani amalga oshirdi.
Avvalroq “Barselona” klubi futbolchi bilan yangi shartnoma bo‘yicha kelishuvga erishgani haqida ma’lum qilingandi. Kelishuv 6 yilga mo‘ljallangan va tovon puli 1 milliard yevroni tashkil qiladi.
Izoh (0)