“Manchester Siti” bosh murabbiyi Xosep Gvardiola jamoasining 2024—2025-yilgi mavsumda Chempionlar Ligasini yutish imkoniyati haqida fikr bildirdi.
“Chempionlar Ligasini yutish? Hozircha bu biz uchun imkonsiz vazifa. Chempion bo‘lgan yilimizni eslasam, faqat g‘alabani o‘ylaganman. Hozir esa real holatni inobatga olgan holda harakat qilaman.
Bizning raqiblarimiz bu turnirda katta tajribaga ega. “Real” muammolarga duch kelgan bo‘lsa-da, so‘nggi o‘yinlarda o‘z o‘yin darajasiga qaytdi. “Bavariya” esa Kompani qo‘l ostida ajoyib mavsum o‘tkazmoqda. Agar ertagayoq o‘ynashga to‘g‘ri kelganida, biz uchun juda qiyin bo‘lardi. Lekin bir necha hafta ichida vaziyat o‘zgarishi mumkin. Kim bilan o‘ynashimizni ham hozirdan aytish qiyin. Biz yaxshilab tayyorgarlik ko‘ramiz, optimal formada bo‘lamiz va ko‘ramiz kelajak bizga nimalarni va’da qilgan, deydi Gvardiola CBS Sports nashriga.
Kecha, 29-yanvar kuni o‘tkazilgan so‘nggi turda “Bryugge”ni mag‘lub etgan “Manchester Siti” Chempionlar Ligasi umumiy bosqichida 22-o‘rinni egalladi. Natijada pley-off yo‘llanmasi uchun Gvardiola shogirdlari “Bavariya” yoki “Real Madrid” bilan o‘ynaydi. Pley-off qur’asi 31-yanvar kuni bo‘lib o‘tadi.
Izoh (0)