“RB Leypsig” klubining niderlandiyalik yarim himoyachisi “Manchester Siti” klubiga o‘tishi mumkin. Bu haqda El Nacional nashri xabar bermoqda.
Manba bergan ma’lumotga ko‘ra, ingliz klubi bosh murabbiyi Xosep Gvardiola 21 yoshli futbolchini Kevin De Bryuynening o‘rinbosari sifatida ko‘rmoqda. Germaniya klubi o‘z futbolchisi uchun 100 million yevrodan ortiq miqdorda mablag‘ kutmoqda. Yanvar oyida Simons “PSJ”dan “Leypsig”ga 80 million yevro evaziga o‘tgandi.
Xavi Simons Germaniya Bundesligasidagi texnik fazilatlari, o‘yinni his qilish qobiliyati va hujum tashkil etishda vaziyatni o‘zgartira olishi murabbiyni o‘ziga jalb qilgan. E’tiborlisi, “Leypsig” Simonsni yaqinda sotib olganiga qaramay, katta daromad ortidan futbolchini boshqa klubga sotishi mumkin.
Ushbu mavsumda Xavi Simons klub darajasida 18 ta o‘yin o‘tkazib, beshta gol urdi va to‘rt bor assist amalga oshirdi. Transfermarkt portalida futbolchining bahosi 80 million yevroga teng.
Avvalroq “Manchester Siti” “Bayer”ning ikki yetakchi futbolchisi — Florian Virts va niderlandiyalik Frimpongni o‘z safiga qo‘shib olish niyatida ekani xabar qilingandi.
Izoh (0)